Benutzer Diskussion:Kredo2006

Do isch d´ Diskussion-Site vom Kredo2006

Ich loss mich mit Sicherheit nit de Spaß am Allemannisch schrybe verderbe, weil irgend so ä Benutzer dänkt, er cha besseres Allemannisch schryybe, wie ich!!!

--kredo 09:01, 2. Apr. 2007 (CEST)

Sinn vonere Benutzerdiskussionssytee

Sali Kredo

Do du dini Diskussionssyte immer widr leersch - statt de vilne Yträge e Antwort zgeh - hani di moll welle froge, ob du ächt weisch, für was e Diskussionssyte in dr Wikipedia do isch? Nid um die eigne Artikel z'präsentiere. Sondern damit die andere dir Noochrichte hinterlo chön - und du antworte kasch. Zwar respektieres die meischte, wenn en Benutzer sälber entscheidet, was är uff siner Benutzersyte (und au Diskussionssyte) ha wott, es giltet aber allgemein als usgsproche unhöflich, alli Diskussionsbiträg ständig z'entfärne und nid druff z'antworte. Dass me alti Sache, wo me nymmi bruucht, entfärnt, dodrgege spricht nüd. Übrigens nützt dirs Entfärne nid vill, will me über d Versione vo de Syte immer no alles aluege cha...--Dr Umschattig red mit mir 20:37, 3. Apr. 2007 (CEST)

E paar Rootschläg

Salü Kredo, Mer sin jo arg froh dass scho so Jungi wie du uf Alemannisch wenn schrybe, un i ha au kei Intress dra dich jetz z'vergraule. I sei dir jetz ganz konkret wo du dich verbessre muesch.

• Lueg um Himmels Wille emol uf Wie schryb ich guets Alemannisch, des sin d'absolute sprochliche Mindeschtstandards. Au Wort:Alemannischer Grundwortschatz isch z'empfehle (do sin Wörter gsammlet wo vo viili Lüt inzwüsche durch hochdütschi Wörter ersetzt worre sin; z.B "nur" für "numme"). Wenn e weng öbis detailierts wöttsch, lueg uf Alemannische Grammatik un d'Artikel wo do verlinkt sin. I bin sicher dass dir die Fähler passiere wyl dir i dr Schüel Hochdütsch schrybe biibrocht wird un du des uf s'Alemannisch übertreisch; bim spreche machsch des warschynts nüt.
• Es bringt gar nüt wenn immer seisch dass s'Alemannisch überall verschiede isch. Erschtens wüsse mer des sälber besser wie jeder andre, un zweitens binni vo Rhyfälde, un de Dialäkt vo Rhyfälde isch 95% dr glych wie de vo Chrenzach.
• Bitte kei persönlichi Aagriff uf andri Bnutzer, direkti oder indirekti.
• E Artikel uf dr alemannische Wikipedia söt mindeschtens 5-10 Sätz lang sy. Dyn Artikel Grättimaa isch leider no z'churz. Bitte find doch no e paar Informatione meh un schryb no öbis dezüe bevor e neue Artikel aafangsch.
• E Tipp: Falls es no nüt gsehe hesch, näbem "Syte spychere" Chnopf gits e Chnopf "Vorschau aaleuge", mit däm Chnopf chasch dyni Ändrig vorem spychere aaluege.

Also lueg dir des alles ganz gnau aa un verbesser dyni Artikel, aasunschte hanni überhaupt kei Komplex dyni Schnitzer wiider z'lösche oder dich eventuel au emol z'sperre. D'Wikipedia isch kei Anarchi wo jeder cha mache wonner Luscht dezüe het, mir meine's aber durchus güet mit dir. Grüess, --Chlämens 22:56, 5. Apr. 2007 (CEST)