Bühler AG
| Bühler AG | |
|---|---|
| |
| Unternähmensform | Aktiegsellschaft |
| Gründig | 1860 |
| Sitz | Uzwil, Schwiiz |
| Leitig |
Calvin Grieder |
| Mitarbeiter | 7'857 (2010) |
| Umsatz | 1,907 Milliarde CHF (2010) |
| Branche | Aalagebau |
| Produkt |
Maschine |
| Uffdritt im Netz | Bühler |
De Büeler oder offiziell d Bühler AG isch en bedütende schwizer Technologikonzern. De Familibetriib isch weltwiit Martfüerer för Maschine i de Naarigsmittelindustrii, im Druckguss und i de chemische Verfahrestächnick. Er hät sin Hauptsitz z Uzwil.
Gschicht[ändere | Quälltäxt bearbeite]
Im Joor 1860 hät de Adolf Bühler e Isegüsserei gründet. Elf Joor spöter isch a die Güsserei e mechanischi Werkstatt aglideret worde. Döt sind bald di erste Gusswalzene agfärtiget worde, und 1890 isch den di erst Getraidemüli us Büeler-Teil zämebaut worde. Spöter isch de Büeler uf vill verschidene Märt aktiv gsi, unter anderem sind Taigware-, Schoggi-, Brauerai- und Farbmaschine baut worde.
De Büeler hüt[ändere | Quälltäxt bearbeite]
Hüt isch de Büeler i vilne verschidene Gschäftsfälder tätig. Die sind i drei Produktionsdivisione glideret:
- Division Grain Processing: Getraidemüllerei, Brauerai, Riismüllerai etc.
- Division Engineered Products: Schoggi & Gaggo, Taigware, Farbe, Lagg und Chemikalie etc.
- Division Die Casting: Druckguss
De Büeler hät hüt i über 100 Länder uf de ganze Welt Niderlassige und er beschäftigt öppe 7'800 Mitarbeiter, dävo knapp 2'500 i de Schwiz. Im gsammte sind zuedäm no fascht 500 Lehrling. Zur Ziit isch de Urs Bühler Verwaltigsrotspräsident, de Calvin Grieder isch dä CEO. Im Johr 2010 hät de Büeler en Umsatz vo zirka 1,9 Milliarde Franke gmacht.
Weblinks[ändere | Quälltäxt bearbeite]
Commons: Bühler AG – Sammlig vo Multimediadateie- Bühler (Site cha nüme abgrüeft wärde; Suche im Webarchiv)