Bühler AG
Us der alemannische Wikipedia, der freie Dialäkt-Enzyklopedy
| Bühler AG | |
|---|---|
| Unternähmensform | Aktiegsellschaft |
| Gründig | 1860 |
| Sitz | Uzwil, Schwiiz |
| Leitig |
Calvin Grieder |
| Mitarbeiter | 6'300 |
| Umsatz | 1,613 Milliarde CHF (2006) |
| Branche | Technologikonzern |
| Uffdritt im Netz | Bühler |
De Büeller oder offiziell d Bühler AG isch en bedütende schwizer Technologikonzern. De Familikonzern isch weltwiit Martfüerer för Maschine i de Naarigsmittelindustrii, im Druckguss und und i de chemische Verfahrestächnick. Er hät ihren Hautsitz z Uzwil.
[ändere] Gschicht
Im Joor 1860 hät de Adolf Bühler e Isegüsserei gründet. Elf Joor spöter isch a die Güsserei e mechanischi Werkstatt aglideret worde. Döt sind bald di erste Gusswalzene agfärtiget worde, und 1890 isch den di erst Gedraidemüli us Büeler-Teil erbaut worde. Spöter isch de Büeler uf vill verschidene Märt aktiv gsi, unter anderem sind Teigware-, Schoggi-, Brauerei- und Farbmaschine baut worde.
[ändere] De Büeler hüt
Hüt isch de Büeler i vilne verschidene Gschäftsfälder tätig. Die sind i drei Produktionsdivisione glideret:
- Division Grain Processing: Getreidemüllerei, Brauerei, Riismüllerei etc.
- Division Engineered Products: Schoggi & Gaggo, Teigware, Farbe, Lagg und Chemikalie etc.
- Division Die Casting: Druckguss
Hüt hät de Büeler i über 100 Länder uf de ganze Welt Niderlassige und er beschäftigt öppe 6300 Mitarbeiter, dävo öppe 3000 i de Schwiz. Zur Ziit isch de Urs Bühler Verwaltigsrotspräsident, de Calvin Grieder isch dä CEO. Im Johr 2005 hät de Büeler en Umsatz vo zirka 1.5 Milliarde Franke gmacht.
