Andronikos II. (Byzanz)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Andronikos II. Palaiologos
Dr Andronikos II. uf eme Fresko im Chloster Serres
Regierigsziit 1261 – 11. Dezämber 1282 as Mitkaiser
11. Dezämber 1282 - 1294 as Monarch
1294 - 12. Oktober 1320 as Mitkaiser
Chrönig 1272
Name Andronikos II. Palaiologos
Ανδρόνικος Β' Παλαιολόγος
Uf d Wält cho 1259/60
Geburtsort Nikaia
Gstorbe 13. Februar 1332 (im Alter vo 72)
Dodesort Konstantinopel
Vorgänger Michael VIII. Palaiologos (eläi)
Nochfolger Andronikos III.
Verhürotet mit Anna vo Ungarn (1260–1281)
Yolande vo Montferrat
Nochkomme Michael IX. Palaiologos
Konstantinos Palaiologos, Despot
Johannes Palaiologos, Despot
Theodore I. Markii vo Montferrat
Demetrios Palaiologos, Despot
Simonis, Köönigin vo Serbie
Irene Palaiologina, Sebastokratorissa vo Thessalie (unehelig)
Maria
Vater Michael VIII. Palaiologos
Mueter Theodora Doukaina Vatatzina

Dr Andronikos II. Palaiologos (griechisch Ἀνδρόνικος Β' Παλαιολόγος, * 1259/1260 z Nikaia; † 13. Februar 1332 z Konstantinopel) isch dr byzantinisch Kaiser vo 1282 bis 1328 gsi. Er isch dr eltisti Soon vom Kaiser Michael VIII. gsi.

Lääbe[ändere | Quälltäxt bearbeite]

Dr Andronikos het mit Rom broche, e Stüürreform iigläitet und d Armee verchliineret, um d Wirtschafts- und Finanzkrise in d Hand überzchoo. D Flotte isch druf verfalle, und Byzanz isch denn no weniger in dr Laag gsi, Venedig und Genua Paroli z biete. Dr Andronikos het nrobiert, sini milidäärischi Schwechi dur en umfassends Bündnissüsteem mit Serbie, de Bulgare und Osmane uszgliiche, isch aber me und mee vo Genua abhängig worde.

Wääred sinere Regierigszit häi d Osmane under em Sultan Osman I. s byzantinische Chläiasie fast vollständig erooberet. Dr Andronikos het dr Roger de Flor iigstellt mit ere Drubbe vo Aragoneser und Katalane, wo as Almogàvers bekannt si. Si häi d Türke gschlaage, aber d Byzantiner häi bald gsee, ass dr Roger genauso gföörlig gsi isch für die kaiserligi Macht. 1305 het en im Andronikos si Soon und Mitregänt Michael ermordet. Im Roger sini Manne, die Katalanischi Kompanii, het im Andronikos dr Chrieg erkläärt und bis 1311 groossi Däil vo Thrakie und Makedonie verwüestet. Si häi Thebe erooberet und vollständig zerstöört und s Herzogtum Athen.

Innebolitik[ändere | Quälltäxt bearbeite]

Im Andronikos isch s 1310 glunge, dr Arsenitestrit z beände. D Blüeti vo dr Kunst und dr Wüsseschaft in dene Joor wird in dr eltere Forschig as „Palaiologischi Rönessans“ bezäichnet; es isch mee e intensivi kulturelli Noochblüete vo dr kulturelle Widerbelääbig under em Michael VIII. noch dr Zruckerooberig vo Konstantinopel (1261) gsi.

Sit 1321 isch dr Andronikos im ene Bürgerchrieg gege si Änkel Andronikos III. verwigglet gsi. Er het 1328 müesse abdanke und isch vier Joor spööter gstorbe.

Familie[ändere | Quälltäxt bearbeite]

Dr Kaiser Andronikos II. het 1273 d Anna vo Ungarn ghürootet, e Dochder vom Köönig Stephan V. vo Ungarn, wo iire Naame as Kaisere bhalte het. Si häi zwäi Söön ghaa:

  • Michael IX. Palaiologos (* 1277, † 12. Oktober 1320), sit 1294 Mitkaiser vo sim Vater
  • Konstantinos Palaiologos († 1334/35)

1284 het er d Yolande vo Montferrat ghürootet, e Dochder vom Markgroof Wilhelm VII. vo Monferrat, wo dr Naame „Irene“ aagnoo het. Si häi die Chinder ghaa:

S Baar het sit 1303 drennt gläbt.

Litratuur[ändere | Quälltäxt bearbeite]

  • A. E. Laiou: Constantinople and the Latins. The foreign policy of Andronicus II, 1282-1328. Cambridge/Mass. 1972.
  • D. M. Nicol: The last Centuries of Byzantium 1261-1453. 2. Aufl. Cambridge 1993.
Dä Artikel basiert uff ere fräie Übersetzig vum Artikel „Andronikos_II._(Byzanz)“ vu de dütsche Wikipedia.

E Liste vu de Autore un Versione isch do z finde.