Allobroger

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Allobroger (lat. Allobroges) sind en keltische Schtamm gsii, wo südlich vom Gänfersee gwont händ. Ire Vorort isch Vienna (hüt: Vienne) gsii. Si sind im Jaar 120 v.Chr. vo de Römer underworfe und is Römische Riich iglideret worde.

Irs Gebiet hät sich zwüsche de Rhône und Isère bis hi zum Gänfersee erschtreckt. By Gänf hät irs Gebiet agränzt a das vo de Helvetier.

Gschicht[ändere | Quälltäxt bearbeite]

Si sind 121 v. Chr. vo de römische Armee under em Cn. Domitius Ahenobarbus i de Provence zämme mit de Arverner besigt worde. Äis Jaar später hät si de Quintus Fabius Maximus by irem Hauptort Vienne definitif underworfe und aschlüssend i d römischi Provinz Gallia Narbonensis integriert.

61 v. Chr. isch es zumne letschte Uufschtand vo de Allobroger under irem Fürst Catugnatus choo. Si händ uuserdem e wichtigi Rolle i de Catilinarischi Verschwörig gschpilt, will si de Catilina a däm damalige Konsul Cicero verrate händ.

D Allobrober sind früe romanisiert wore. Im Jaar 443 händ d Römer a de Burgunder Land zwüschet Gänf und Vienne ggee.

Literatur[ändere | Quälltäxt bearbeite]

  • Cäsar: bellum Gallicum I 6, 10, 11, 14, 28, 44, III 6

Lueg au[ändere | Quälltäxt bearbeite]

Lischte vode keltische Stämm

Dä Artikel basiert uff ere fräie Übersetzig vum Artikel „Allobroger“ vu de dütsche Wikipedia.

E Liste vu de Autore un Versione isch do z finde.