(588) Achilles

Us der alemannische Wikipedia, der freie Dialäkt-Enzyklopedy
Hops zue: Navigation, Suech
(588) Achilles
Eigeschafte vum Orbit
Orbittyp Jupiter-Trojaner (L4)
Grossi Halbax 5,192 AE
Perihel; Aphel 4,429; 5,956 AE
Exzentrizität 0,147
Neigig vu dr Bahnebeni 10,3 °
Siderischi Umlaufzitt 11 a 303 d 1 h
Middleri Bahngschwindigkeit 13,00 km/s
Physikalischi Eigeschafte
Durmesser 135,48 km
Masse  ? kg
Middleri Dichti  ? g/cm3
Rotationsperiode > 12 h
Albedo 0,033
Absoluti Helligkeit 8,67
Spektralklasse D- oder G-Typ
Gschichte
Entdecker Max Wolf
Datum vu dr Entdeckig 22. Februar 1906
Älderi Bezeichnig 1906 TG
Dialäkt: Markgräflerisch (Ebringe)

Dr (588) Achilles isch e Asteroid us dr Gruppe vu dr Jupiter-Trojaner, er lauft also uf dr Bahn vum Jupiter um d'Sunne.

Achilles isch am 22. Februar 1906 vum Max Wolf als erster Trojaner entdeckt worre un isch nooch em grichische Held Achilles us dr Ilias benennt worre. Dr Namme vum Asteroid isch ursprünglich vum Johann Palisa, eme Fründ un Kolleg vum Max Wolf, vorgschlage worre. Dr Asteroid lauft im Jupiter uf dem sinere Bahn um 60° vorus (er befindet sich am L4-Punkt). Die voruslaufende Trojaner werre au als Griche bezeichnet und sin dorum (bis uf ei Usnahm) nooch dr grichische Helde us dr Ilias benennt. D'Bahn vum Achilles verlauft zwische 4,429 (Perihel) un 5,956 (Aphel) astronomische Eiheite un isch 10,3° gege d'Ekliptik gneigt. D'Bahnexzentrizität betrait 0,147. Si underschidet sich demit au dütlich vu dr Jupiterbahn.

Während dr Opposition erreicht dr Achilles e schinbari Helligkeit vu 16,6 mag. Er isch demit e usserst liechtschwachs Objekt am Nachthimmel.

Näbe siner gringe Grössi isch au im Achilles si gringi Albedo (Reflektionsvermöge) fer si gring Helligkeit verantwortlich. Er reflektiert numme 3,3 % vum uftreffende Liecht, isch also schwärzer as bispilswiis Asphalt. Si Oberflächi bestoht nooch Messige an dr Infrared Telescope Facility (IRTF) vu dr NASA wohrschins zue 20 bis 40 % us Pyroxen (verschideni Silikate). Fer die beobachtet Rotfärbig vum reflektierte Adeil dürft Iise verantwortlich si. Tholinandeile, also dur Ultraviolettliecht umgformti Methan- un Ethanbestanddeiler, yber 10 % uf dr Oberflächi hän dur Spektralanalyse usgschlosse were chänne. Ebeso isch d'Oberflächi arm an Chlorit (maximal 1 %).

Literatur[ändere | Quälltäxt bearbeite]

  • Icarus: Volume 164, Issue 1, Pages 104-121: 7/2003: Constraints on the surface composition of Trojan asteroids from near-infrared (0.8–4.0 μm) spectroscopy: Emery, J. P.; Brown, R. H.: Artikel online uf em Icarus-Server erhältlich (uf Englisch): doi:10.1016/S0019-1035(03)00143-X
  • Icarus: Volume 170, Issue 1, Seite 131-152: 7/2004: The surface composition of Trojan asteroids: constraints set by scattering theory: Emery, J. P.; Brown, R. H.: Artikel online uf em Icarus-Server erhältlich (uf Englisch): doi:10.1016/j.icarus.2004.02.004

Lueg au[ändere | Quälltäxt bearbeite]

Weblink[ändere | Quälltäxt bearbeite]

Orbitsimulation (Java Applet)

Dä Artikel basiert uff ere fräie Übersetzig vum Artikel „(588)_Achilles“ vu de dütsche Wikipedia.

E Liste vu de Autore un Versione isch do z finde.