Zika-Virus

Us der alemannische Wikipedia, der freie Dialäkt-Enzyklopedy
Hops zue: Navigation, Suech

S Zika-Virus isch e Virus us dr Gattig Flavivirus (Familie Flaviviridae). S isch zum erschte Mol anne 1947 isoliert woren us eme Rhesusaff, wu in ere Forschigsstation im Zika Forest z Entebbe, Uganda zum Uffinde vum Geelfiebervirus ghalte woren isch, un isch au derno no däm Ort gnännt wore.[1][2] S Virus chunnt endemisch z Afrika un z Sidoschtasie vor. Wel s syt 2015 all mee Infektione mit em Zika-Virus z Latynamerika git un mit em Virus bstimmti Folgechrankete un -schäden in e Zämmehang brocht wäre, het d Wältgsundhaitsorganisazion (WHO) am 1. Februar 2016 dr „Effetli Gsundhaitsnotstand vu internationalem Uusmaß“ uusgruefe.[3]

S git dr Verdacht, ass es e Zämmehang git zwischen ere Zika-Infäkzion bi Schwangeren im erschte Drittel vu dr Schwangerschaft[4] un ere Mikrozefaly bi Feten[5] un bi Neigeborene.[6] Derzue vermuetet mer e Zämmehang zwisch em versterkten Ufdrätte vu dr neurologische Chranket Guillain-Barré-Syndrom z Brasilie un Infäkzione mit em Zika-Virus.[7]

Weblink[ändere | Quälltäxt bearbeite]

 Commons: Zika-Virus – Sammlig vo Multimediadateie

Fueßnote[ändere | Quälltäxt bearbeite]

  1. G. W. Dick et al.: Zika virus. I. Isolations and serological specificity. In: Trans R Soc Trop Med Hyg. Band 46, Nr. 5, 1952, S. 509–520. PMID 12995440
  2. D.I.H. Simpson: Zika virus infection in man. In: Transactions of the Royal Society of Tropical Medicine & Hygiene. Band 58, Nr. 4, 1964, S. 335–338, doi:10.1016/0035-9203(64)90201-9. PMID 14175744
  3. WHO statement on the first meeting of the International Health Regulations (2005) (IHR 2005) Emergency Committee on Zika virus and observed increase in neurological disorders and neonatal malformations. 2016-02-01. Abgrüeft am 2016-02-01. (en)
  4. Zika-Virus-Infektion: Merkblatt für Beschäftigte und Reisende. (PDF) Hiiwysblatt vum Gsundhaitsdienscht vum dytschen Uuswärtigen Amt, Stand: 12/2015.
  5. Mysteriöses Virus: Brasilien ruft Gesundheitsnotstand aus. In: Spiegel Online. SPIEGEL ONLINE. Abgrüeft am 2016-01-29.
  6. Mysteriöses Zika-Virus: Die Angst vor dem zu kleinen Köpfchen. In: Spiegel Online. SPIEGEL ONLINE. Abgrüeft am 2016-01-29.
  7.  Simon Romero, Donald G. Mcneil Jr: Zika Virus May be Linked to Surge in Rare Syndrome in Brazil. In: The New York Times. 21. Januar 2016, ISSN 0362-4331 (nytimes.com).
Gsundheitshiwiis Bitte tue de Hiwiis zu Gsundheitsthemene biachte!