Ziger

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Disambig.svg Dä Artikel behandlet e Sorte vo Frisch-Chääs. Witeri Bedütige find me under Ziger (Begriffsklärig).

Ziger (i gwüsse Dialäkt Ziiger) isch en Frisch-Chääs und d Schwyzer Bezeichnig für e Ricotta oni Nidel. Er wird us Schotte gmacht und beschtaht usem Eiwyss, wo dört no dinne isch.

Mä nimmt Schotte, git früschi oder entrahmti Chuemilch oder Ankemilch drzue, erhitzt s uf öbbe 90 °C und duet Süüri dri. Vilmol brucht mä Essigsüüri drfür. Ziger wird nit glaageret, sondern sofort früsch oder gräucheret verchauft. Er hebt öbbe zää Dääg.

Ziger losst sich au dehäi recht eifach mache. Mer stellt Milch in em e offene Hafe zwei, drei Tag am ä warme, dunkle Ort uff. Wenn denn d Milch grunne isch, schüttet mer die ganzi Sach in ä Siib un loßt des ä paar Stunde abtropfe. Würze, wenn me wot, öbbe mit Chümmi, un gniese (Wiesetäler Methode). Ziger passt beschdens zu gschwellde Grumbiere.

Lueg au[ändere | Quälltäxt bearbeite]

Litratur[ändere | Quälltäxt bearbeite]

J. L. Stein et al.: Milch und Milchprodukte. In: Ullmanns Encyklopädie der technischen Chemie. Band 16, 4. Auflage, Verlag Chemie, Weinheim, New York 1978, S. 702.