S Züüghuus Baasel
| Dialäkt: Baseldütsch |
Im Züüghuus Baasel an dr Züüghuusstrooss 2 z Baasel isch d Läitig vo dr Rettig Baasel dehäi, eme Beriich vom Justiz- und Sicherhäitsdepartemänt (JSD) vom Kantoon Baasel-Stadt. Speziell isch s au s Zentrum vo dr Abdäilig Milidäär und Ziviilschutz.
S nöije Züüghuus
[ändere | Quälltäxt bearbeite]Säggs Joorhundert lang isch s Baasler Züüghuus am Petersblatz gstande, bis 1914 e nöis Züüghuus bi St. Jakob an dr Züüghuusstrooss Nummere 2 iigweit worde isch.
Im Joor 2019 het d Regierig entschiide, ass s Züüghuus as dr zwäit Standort vom Baasler Rettigsdienst wurd diene. As Gründ drfür isch aagee worde, ass d Iisatzort vo dört schnäller und zueverläässiger chönni erräicht wärde. Ooni e zwäite Standort chönni d Vorgoob vom Interverband für s Rettigswääse, ass d Retter in höggstens 10 Brozänt vo de Notfäll spööter as 15 Minute noch em Notruef döffe aachoo, vom Joor 2025 aa nüm chönni iigghalte wärde. Dr zwäit Standort wurd au e Sanierig vom Geböid an dr Hebelstrooss äifacher mache.[1]
D Abdäilig Milidäär und Ziviilschutz vom JSD
[ändere | Quälltäxt bearbeite]Dr Beriich Milidäär isch entstande, wo mä d Milidäärverwaltig und s Kräiskommando fusioniert het. S Kräiskommando kümmeret sich um die Aaghöörige vo dr Armee us em ganze Kantoon bis zum Ändi vom Weerpflichtalter.[2] Das si öbbe 40'000 Soldate.[3] Dr Ziviilschutz, wo sit Ändi 1998 au im Züüghuus dehäi isch, schafft bi Katastroofe und in Notlaage mit em Bevölkerigsschutz - dr Kantoonsbolizei, dr Füürweer, em Gsundhäitswääse und de Wärk zämme.[4]
Weblingg
[ändere | Quälltäxt bearbeite]Fuessnote
[ändere | Quälltäxt bearbeite]- ↑ Zweiter Standort für Sanität beim Zeughaus
- ↑ Zivilschutz uf dr Website vo dr rettig.bs.ch
- ↑ Staatsarchiiv Baasel-Stadt
- ↑ Zivilschutz uf dr Website vo dr rettig.bs.ch