Yu Gil-jun

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dr Yu Gil-jun (1914)

Dr Yu Gil-jun(rev. Rom. Yu Kil-chun, McCune-Reischauer Yu Gil-jun, koreanisch 유길준, hanja 兪吉濬; * 24. Oktober 1856 z Seoul, denn z Korea; † 30. Septämber 1914 z Seoul) isch e koreanische Politiker wääred dr Joseon-Dünastii und Unabhängigkäits- und Reformaktivist wääred dr japanische Herrschaft gsi. Sini Psöidonüüm si Gudang (구당, 矩堂) und Chonmin (천민, 天民) gsi.[1]

Lääbe[ändere | Quälltäxt bearbeite]

Dr Yu isch z Seoul uf d Wält choo, isch 1881 uf Meiji z Japan go studiere und im Joor druf zrugg uf Korea. Er isch denn 1884 in d USA uf d Governor Dummer Academy go studiere[2] und isch au verschidnigi öiropäische Länder go bsueche. Zrugg dehäi isch er festgnoo und aaklagt worde, ass er d Gaehwadang, e reformistischi Bardei wo dr Fortschritt uf iiri Faane gschriibe het, wurd understütze[3] und het im Gfängnis e Buech, Seoyu Gyeonmun, über sini Räise gschriibe.

D Regierig vom Köönig Gojong het au behauptet, ass dr Yu bim Mord vo dr Köönigin Min mitgmacht häig.

Vo 1894 bis 95 het dr Yu für e Brömieeminister Kim Hongjip, wo brobiert het, Korea z modärnisiere. Wo dr Kim 1895 umbrocht worde isch, isch dr Yu uf Japan ins Exil und erst 1907 uf Korea zrugg.

1910 het Japan Korea annektiert, und dr Yu het e Beweegig gege d Annexioon organisiert.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Yu Gil-jun (Memento vom 13. Juli 2012 im Webarchiv archive.is), in: Encyclopedia Daum (koreanisch)
  2. 한국역대인물종합정보시스템. The Academy of Korean Studies. Abgrüeft am 21. November 2006.
  3. Archivierte Kopie. Archiviert vom Original am 2007-09-30. Abgrüeft am 2006-11-21.
Information icon.svg Dä Artikel basiert uff ere fräie Übersetzig vum Artikel „Yu_Kil-chun“ vu de änglische Wikipedia.

E Liste vu de Autore un Versione isch do z finde.