XING

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

XING isch es soziaals Netzwärch, wo vo dr Firma XING SE z Hamburg betriibe wird.

Uf däm Kanaal chame z eerscht emol persönlechi Kontakt verwalte und nöji Persoone aschrybe. Es isch psunders als Netzwärch für di gschäftlechi und au privati Komunikazioon für Lüüt im düütschsproochige Ruum – der Regioon D-A-CH – dänkt. D Nutzer informiere uf ihrne Syte über dr Wärdegang und ihri pruefliche Kompetänze. Si chönd mit andere zäme Gruppe ufmache zum über öppis diskutiere.

Es git au s Sischteem XING Spanien für spanischi Chunde und d XING S.à r.l., wo z Luxemburg dihei isch, für die französische. D Schnittstell für Benutzer isch i verschidene Sprooche.

S Undernääme het ane 2003 agfange, dozmol no under em name OpenBC (Open Business Club); 2017 het s scho meh weder tuusig Lüüt beschäftiget. Und ane 2016 sind schynts scho meh weder zää Milioone Chunde uf däm Medium agmäldet gsi.

2009 isch s Meedieundernääme Hubert Burda Media der Hauptakzionäär vo dr XING SE woorde. Sid 2010, wo d XING SE d Firma amiando gchauft het, ghört dere ihres Gschäft als online-Ticket-Händler au derzue; es isch hüt dr düütsch Dienscht XING EVENTS. Me cha sech dört über Ereignis go informiere, mit Kaländerfunkzioone schaffe und eigeni Termyn plaane.

D Syte XING Klartext isch e Dienscht zum über Frooge vo dr Wirtschaft z infermiere; si funkzioniert als Magazyn und wird von ere Redakzioon gmacht und isch en eigeständige Aktöör vom Schurnalismus.

Literatur[ändere | Quälltäxt bearbeite]

  • Caroline Krüll, Christian Schmid-Egger: Networking mit Xing, Facebook und Co. München 2009, ISBN 978-3-406-59358-1.
  • Stephan Lamprecht: XING – Networking im Internet. 3. Uuflaag, Hannover 2008, ISBN 978-3-936931-55-6.

Weblink[ändere | Quälltäxt bearbeite]

 Commons: XING – Sammlig vo Multimediadateie