Wurschtässe bim Froschauer

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

S Wurschtässe bim Froschauer isch es Ässe bim Buchdrucker Christoph Froschauer gsi, wo am 9. März 1522 z Züri stattgfunde het. Näbem 1. Jänner 1519, wo de Zürcher Reformator Huldrych Zwingli sini Stell als Leutprieschter im Grossmöischter aaträte het und aagfange het, d Evanglie fortlaufend uszläge, statt sich an di vorgschribni Läseordnig z halte, gilt s Wurschtässe als «Urdatum» von de Zürcher Reformation.

S Wurschtässe het an Invokavit, em erschte Sunntig vo de Faschteziit schtattgfunde und isch e bewussti Provokation gsi. De Zwingli isch bi dem Ässe derbi gsi, heig aber selber kei Fleisch gässe, het's gheisse. Offiziell begründet het de Froschauer s Ässe dodermit, dass er und sini Lüt so vil hei müsse schaffe, dass si vom «Mues» allei nöd satt worde wäre. De Hintergrund ligt aber in ere bewusste Demonschtration vo de «evangelische Freiheite», wo de Zwingli prediget het. Es isch drum gange z zeige, dass alles, wo nöd in de Bible begründet isch, nöd gültig isch.

Weblinks[ändere | Quälltäxt bearbeite]

S «Wurschtässe» im Lexikon vo de Reformiirte Chile Züri