Witaj

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Logo vum Witaj-Konzäpt
Witaj-Yyrichtige z Brandeburg
Witaj-Yyrichtige z Sachse

Witaj (sorbisch fir Willchuu) isch e Projäkt, wu sich yysetzt fir di zwosprochig Erziehig un Uusbildig uf Sorbisch un Dytsch an Chinderschuele un Schuele in dr Lausitz.

Gschicht[ändere | Quälltäxt bearbeite]

Di erscht Witaj-Gruppe isch am 1. März 1998 im Cottbuser Stadtdeil Sielow mit 12 Chinder aagfange wore. D Idee vu dr zwosprochige Frieerziehig bi Chinder isch scho z Kanada un vu vile chlainere Velker z Europa (z. B. dr Bretone mit dr Div Yezh-Schuele) erfolgryych umgsetzt wore. D Chinder wäre dur Immersion an di sorbisch Sproch gfiert; si solle di sorbisch Sproch wie s Dytsch beherrsche un no dr Chinderschuel in Witaj-Klasse goh. Di erschte Chinder us em Witaj-Modäll bsueche syt 2006 s Nidersorbisch Gymnasium z Cottbus un hän syterhär allno e speziälle Witaj Unterricht. Grundschuele, wu sich däm Projökt aagschlosse hän, un Schuele Schuele, wu ne Sorbischschwärpunkt hän, lehre zmaischt d Fächer Mathematik, Sachkund (au Regionalgschicht) un Musik/Chunscht/Sport uf Sorbisch.

Hitigi Situation[ändere | Quälltäxt bearbeite]

Hite git s näbe 10 sorbische Chinderschuele, wu vilmol vu dr Chilche bedribe wäre un wu rund 600 Chinder druf gehen, fimf Witaj-Chinderschuele:

  • Witaj-Chinderschuel „Mato Rizo“ z Cottbus-Sielow (Brandeburg) – 55 Chinder
  • Witaj-Chinderschuel „Villa Kunterbunt“ z Cottbus (Brandeburg) – 68 Chinder
  • Witaj-Chinderschuel „Milenka“ z Rohne (Sachse) – 35 Chinder
  • Witaj-Chinderschuel „Pumpot“ z Dörgenhausen (Sachse) – 26 Chinder
  • Witaj-Chinderschuel z Malschwitz (Sachse) – 39 Chinder

Noch em Byschpel vu dr Witaj-Chinderschuele sin in 11 sächsische un 7 brandeburgische Chinderschuele (Stand 2009) Witaj-Gruppe yygrichtet wore.

Derzue git s sorbischi Chinderschuele, wu au s Witaj-Projäkt aabiete:

  • Sorbischi Chinderschuel Crostwitz (Sachse) – 131 Chinder
  • Sorbischi Chinderschuel Ralbitz (Sachse) – 118 Chinder
  • Sorbischi Chinderschuel Ostro (Sachse) – 30 Chinder

Literatur[ändere | Quälltäxt bearbeite]

  • Ludmila Budar (Hrsg.): Witaj a 2plus – wužadanje za přichod / Witaj und 2plus – eine Herausforderung für die Zukunft, Bautzen: Sorbischer Schulverein e. V. 2009

Weblink[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vu dere Version vum Artikel „Witaj“ vu de dütsche Wikipedia. E Liste vu de Autore un Versione isch do z finde.