Wipchingerdunäll

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
e Zuug bim Wipchingerdunäll

S Wipchingerdunäll isch es Ysebaandunäll z Züri.

S Dunäll isch eis vo de eerschte, wo i dr Schwiiz für d Ysebaan gmacht worden isch. Es isch es zwöispuurigs Bouwärch vo dr Linie vom Haupaanhof Züri uf Örlike, wo d Nordoschtbaan, d NOB, ygrichtet het. Ane 1856 isch s uftoo worde.

Sid 1902, wo d Baane i dr Schwiiz meerheitlech verstaatlichet worde sind, ghört s Dunäll vo Wipchinge de SBB.

Uf dr Südsyte vom Dunäll isch dr Baanhof Züri Wipchinge, und vo dört fahre d Züüg über d Limet, a dr Müli vo dr Swissmill verby und sid 1894 über de Viadukt vo Ussersyl zum Haupaanhof. Vorher isch d Streki chürzer gsi und mit ere lange Kuurfe vom Haupaanhof e Rampen uuf uf Wipchinge ggange; die alti Linie isch hüt no im Verlauf vo dr Röntgestraass z gseh.

Wil immer mee Züüg vo Züri is Glattdaal und id Oschtschwiiz faare, sind im 20. Joorhundert für d Baanstrecki Züri-Winterthur no drü anderi Dunäll düre Hügel bout worde. Grad bim Nordportaal vom Wipchingerdunäll sind au d Ygäng zum Chäferbèèrgdunäll und zum Wyybèèrgdunäll.

Literatur[ändere | Quälltäxt bearbeite]

  • Martin Bürlimann, Kurt Gammeter: Wipkingen – Vom Dorf zum Quartier. Wibichinga Verlag, Zürich Wipkingen 2006, ISBN 3-9523149-0-0.
  • Der Wipkingertunnel der SBB wird saniert. In: Schweizer Eisenbahn-Revue, Nr 6, 1985, S. 211.

Weblink[ändere | Quälltäxt bearbeite]

 Commons: Wipkingertunnel – Sammlig vo Multimediadateie