Wikipedia Diskussion:Stammtisch/Houptsytvorschlag

Begriäßungstext

Bishär hets do gheiße, alli üs Südditschland, Wescht-Öschtrich usw. derfe mitmache. Des stimmt natiirlig nit - blos sonigi, wu Alemannisch bherrsche. Des hani entsprächend gänderet un han d Landschaftsnämme anstatt d Staatsnämme gnännt - zum Biispiil Südditschland isch z groß gsii, do ghert aü ganz Bayern drzue.
Uf dr Kart, wu dr Manuel un ich nej mache, isch aü s alemannisch Gebiät nommol z sähne (wiä bishär scho, aber vebesseret).
Üs däm Grund ka mer aü dr griän Kaschte ewäg lo, wu bishär in verschiidene Sproche s Alemannisch erklärt wird - jedes siiht uf dr Kart, wu des isch.
Zuedäm han i s Brofil erwähnt. --Albärt 21:43, 9. Jun 2006 (UTC)

Was sage ner zu däm Entwurf?

Sali alli, i han eweng am Brojekt http://als.wikipedia.org/wiki/Wikipedia:Stammtisch/Houptsytvorschlag , wu uf em Friähjohrsdräffe bschlosse wore isch, gwerklet. Dr Chlämens het in dr Zwischezit aü scho dr Friähjohrsdräffe-Kaschte ewäg gmacht – des isch guet, mer miän aktuell bliibe. Ich schlag jetz diä Änderige vor:

1. Dr Inhalt vum Kaschte rächts unte Jeder isch yglade mit z’mache! kunnt obe zu Willkomme ... drzue. Bishär isch dopplet gmopplet gsii. 2. Dr Kaschte bikunnt e neije Titel: Was suscht no wichtig isch! Un do kunnt e Gleich zum Brofil, zu dr Bsunders guete Artikel (Kandidate un Akzeptiärti) un zum Brotokoll vum Friähjohrsdraffe ani. Ass s Brofil uf d Haüptsitte mueß, verstoht sich glaübi vun esälber.

Diä zwo Änderige han i uf em Entwurf (20. 7.) scho gmacht; lueg dert. Wänn niäme drgege spricht, kennt diä bal eber iifiäge, wu Ammann (Admin) isch.

Dr Kaschte Aktuel het jetz Erfolg, find i, mer kennte ne aber umbenänne. Vorschlag: Wärchstatt. Des wirkt aü alemannischer wiä Aktuell oder Projekt (zu Brojäkt fallt mer nyt anders ii).

Mich dunkts schener, wämmer d Käschte, wu e ganzi Sitte breit sin, un d halbbreite Käschte sich abwägsle. Des isch jetz in minem Entwurf (Version 20. 7.) realisiärt (Kategorie- un Projekt-Kaschte halbbreit). Was meine ner drzue?

Solle mer im Brojäkt-Kaschte d Neologisme un dr Grundwortschatz drzue due – sin diä dert rächt platziärt oder ghere si amenort anderscht ani? Verschiidini wichtigi Sitte gehn bi uns allewäg e wenig unter – numme iigweihti Figs finde si.

D Unterlage fir d Kart, wu rächts obe ani kunnt, wu ich han solle bsorge, sin siter e baar Wuche bim Manuel. E Vorarbet vu mir do drzue isch http://als.wikipedia.org/wiki/Alemannischer_Sprachraum_%28Gliederung%29 .

In dr Hoffnig, as bal e baar ihri Meinig sage --Albärt 20:13, 20. Jul 2006 (UTC)

Also mir gfallt dr Entwurf, Bravo! Uf d'neui Sprochcharte mümmer no warte. Usserdem sot mer bi "Projekt" unte numme die uflischte wo's au uf Alemannisch git; plus vilycht Meta. Au dr Chat un d'Mailinglischt sin glaubi no nüt gnueg useghobe. Aasunschte cha mer des bald ufelade! --Chlämens 22:04, 20. Jul 2006 (UTC)

Scho 9 Dag verbii un no ke grundsätzlige Iispruch ... Villicht sottsch des, was Dü un ich vorgschlage hän, jetz eifach emol uf dr Versuechssitte umsetze. (Ich sälber blicks nit eso selli un han aü kenni Adminischtrator-Rächt, d.h. ich ka kenni Vorlage ändere.) Drno ka mer iber witeri Feinheite schwätze. --Albärt 21:02, 29. Jul 2006 (UTC)

So, i han jetz emol de allergröschte Teil umgsetzt. Wie mer de Chaschte zentriire sot weiss i au nüt, des muss öber andersch mache. De Kategorichaschte muss mer spöter emol aktualisiire wenn d'Re-organisation vo de Kategorie abgschlosse isch. De Projäktchaschte gfallt mer au nüt, des sot mer irgetwie andersch mache. Do fehlt au no s'Wikiheftli. Usserdem sot mer d'Schwöschterprojäkt uf die bschränke wo uf Alemannisch sin. Also: Commons un s'Wiktionary, un Meta au wenn's nüt uf Alemannisch isch. --Chlämens 13:57, 6. Aug 2006 (UTC)

Andri Houptsyte

I ha emol bi de andre umegstöbret un e paar gueti Idee gfunde.

• D'Italiener hens ganz farbefroh; z'mindeschtens dr grundete Balke gfällt mer. Au dass d'Kategorie rächts sin isch güet.
• D'Quechua hen e Süechmaschin diräkt uf dr Houptsyte, wie des technisch goht weissi aber nüt.
  • So: [1] --- MfG, Melancholie 18:58, 13. Apr. 2007 (CEST)
• D'Rahme um d'Chäschte vo de Gäle oder de Ungarn sin schö. Besser wie die dünni graui Linie wo mer fascht nüt sieht.
• d'Waliser hen obe d'Artikel nooch Theme gordnet. Des wär emol e Idee wemmer Lüt hen wo sich um Portäl chümmre. --Chlämens 03:08, 13. Apr. 2007 (CEST)