Wikipedia Diskussion:Neuling

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Kommentar[Quälltäxt bearbeite]

Des Thema lyt mer scho lang uf em Mage. Ich haa au immer e weng Buuchweh dermit, wämer s ruckgängig macht, wänn eber e Artikel in syy aigene Dialekt ibersetzt. D Richtlinie "Kei Dialektänderige" halt i prinzipiäll scho fir richtig un will si au nit grundsätzlig in Frog stelle, aber do hämer glaub schon e baarmol potenziälli Autore abgschreckt.

Die Vorschleg find i guet, z. B. dr Lesigsaasatz zue dr "falsche Titel". --Mister Wikipedia 10:07, 14. Mär. 2011 (MEZ)

Begrießig[Quälltäxt bearbeite]

Also, e typische Begrießigstext vu mir siht so uus:

Sali [...] un härzlig willchuu bi dr Alemannische Wikipedia!
Mir freien is, ass Du zuen is gstoße bisch un mit [...] scho zue däre Wikipedia bydrait hesch.
änn De no Froge hesch, no chasch Di gärn an mi oder eine vu dr andere Nutzer wände oder d Syte Wikipedia:Hilfe konsultiere. Allgmeini Diskussione findsch uf em Stammtisch und wänn De no ebbis wetsch usbrobiere, no git s dodefir au no dr Sandchaste. Nitzlig isch au s Wikipedia-Portal.
Vil Spass un bi muetig!.


E typische Begrießigstext vum Strommops siht eso uus:

Sali [...] un härzlig willchuu bi de alemannische Wikipedia!
Mr freue uns, dass de zu uns gstoße bisch un zum Projäkt biidrage wottsch. Wenn de Froge häsch, no chasch di gärn an mich odder eine vu de andere Nutzer wände odder d'Site Wikipedia:Hilf konsultiere. Allgemeini Diskussione findsch uff em Stammdisch un wenn de öbbis usprobiere wottsch, no isch de Sandchaste s richtig Plätzli. Nützlig isch au no s Gmeinschaftsportal.
Viil Spaß un sei muetig!

Wie chennt denn e verbesserete Text uussähne? Dr Sandchaschte uusezneh find i scho mol guet.

--Holder 21:58, 16. Mär. 2011 (MEZ)

Sandchaschte uff jede Fall usse. Ich find au mer sötte s Wort "mir" vermiide. Des macht sofort de Yydrugg, wie wenn's e Gruppe git, wo in däm Lade d Entscheidige trifft. --Terfili 22:52, 16. Mär. 2011 (MEZ)
Anstatt «muetig si» zum Bischbil: Heb kei Angst, Fähler z mache - das bassiert uns alle. -- Andi d 07:40, 17. Mär. 2011 (MEZ)
Sandchaste use. De Uusdruck »muetig sii« wöri au umformuliere. --al-Qamar 13:22, 17. Mär. 2011 (MEZ)

Vorschlag:

Sali [...] un härzlig willchuu bi dr Alemannische Wikipedia!
Ich frei mi, ass Du zuen is gstoße bisch un mit [...] scho zue däre Wikipedia bydrait hesch.
Wänn De no Froge hesch, no chasch Di gärn an mi oder eine vu dr andere Nutzer wände oder d Syte Wikipedia:Hilfe konsultiere. Allgmeini Diskussione findsch uf em Stammtisch. Nitzlig isch au s Wikipedia-Portal.
Vil Spass un haa kei Angscht dervor, Fähler z mache.

(Die letscht Formulierig find i aber nonig ganz glunge.)

--Holder 16:11, 17. Mär. 2011 (MEZ)

Jo, öber de letscht Satz chamer no rüebig aimol schlooffe. --al-Qamar 17:27, 17. Mär. 2011 (MEZ)
Un wiso nöd aifach da mit em Muet und de Angst eweggloo? Aso: Vill Spass bim Mitmache! --al-Qamar 10:37, 25. Mär. 2011 (MEZ)

Ohni Muet un Angscht (dytschi Version mit 'ß' :-)):

Sali [...] un härzlig willchuu bi dr Alemannische Wikipedia!
Ich frai mi, ass Du zuen is gstoße bisch un mit [...] scho zue däre Wikipedia bydrait hesch.
Wänn De no Froge hesch, no chasch Di gärn an mi oder aine vu dr andere Nutzer wände oder d Syte Wikipedia:Hilfe konsultiere. Allgmaini Diskussione findsch uf em Stammtisch. Nitzlig isch au s Wikipedia-Portal.
Vil Spaß bim Mitmache.

--Holder 10:44, 25. Mär. 2011 (MEZ)

Die Formulierig findi eso guet! --Terfili 11:07, 25. Mär. 2011 (MEZ)
perfetto! :-)  --al-Qamar 16:54, 25. Mär. 2011 (MEZ)

Leschaadräg[Quälltäxt bearbeite]

Was is mir scho dänkt haa, isch ass Neji villicht chennte abgschreckt wäre, wänn si ne Artikel schrybe, wu z churz isch, un no zwee Däg stoht im Artikel:

Die Syte isch zum Lösche vorgschlage worde.
Isprüch bitte uf die Syte schrybe.
Bitte bim Alege vo neue Artikel d'Mindestaforderige för Artikel berücksichtige.

Villicht chennt mer do ne anderi Vorlag aalege, wu mer yysetzt bi Churzartikel, wu ender eso ebis din stoht:

Dää Artikel isch no arg churz.
E Artikel sott im Normalfall fimf Sätz haa, dass er au intressant isch.
Wänn dä Artikel in zwo Wuche nit uusböue wore isch, cha s syy, dass er glescht wird.
Wenn Du mainsch, dä Artikel sott blybe oder Du wettsch e speter uusböue, no chasch do gärn e Yyspruch schrybe.

Oder so ähnlig ... --Holder 10:14, 25. Mär. 2011 (MEZ)

Genau ase und nöd andersch! :-) --al-Qamar 10:36, 25. Mär. 2011 (MEZ)

Ich haa jetz emol eso ne Vorlag aaglait: Vorlage:Löschen kurz. Mer cha s si mit {{löschen kurz}} in e Artikel yyböue. --Holder 10:57, 25. Mär. 2011 (MEZ)

Die Formulierig isch guet. Defür het's jo eigetli d Vorlage:Löschen-Stumpe gee. Mer chönnt die jetz lösche un "Löschen kurz" unter "Tekschtboustei" yybinde. --Terfili 11:05, 25. Mär. 2011 (MEZ)
O lätz, die Vorlag haan i gsuecht, aber nit gfunde, wel i nimi gwisst haa, wie si haißt. Mer chennt au aifach di nei uf "Vorlage:Löschen-Stumpe" verschiebe. --Holder 11:24, 25. Mär. 2011 (MEZ)
Nai! Nöd ase! Kai Löschvorlaag und kann Güselchübel! Nenet die Vorlaag Vorlage:Superministumpe oder ganz neutral Vorlage:5Satz. Die Artikel chömed denn in e aigni Kategori und niemer verschreckt denn, well nume bösi Admin wössed, as noch zwoo Wuche d "Vorlage:5Satz" automatisch zunere "Vorlag:Löschen-Stumpe" mutiert, wo, wener usgwachsen isch zunere "Vorlag:Löschen" werd. Dem sait mer Metamorphose. Und je noch Genalaage mutiert er zomene würdige Artikel oder er werd abgschosse. --al-Qamar 12:09, 25. Mär. 2011 (MEZ)
Un eso: Vorlage:Kurz? --Holder 12:40, 25. Mär. 2011 (MEZ)

(BK!) Und denn sott me au bi Artikel wie aktuell Solarenergie (einzige Inhalt: S bstoht us Sunne. S isch Ökostrom. D solarzellen sin deuer.) tagelang zuewarte mit Lösche? Also äxgüsi, aber so öppis isch kei Artikel, inhaltlig bedänklich und pseudo-alemannisch. So öppis wurd in jedere andere WP sofort glöscht. Wird nid e bizz übertriibe mit dr Ruggsicht? --Dr Umschattig red mit mir 12:42, 25. Mär. 2011 (MEZ)

Ich glaub nit, ass es eberem um därlai Artikel goht. --Holder 13:33, 25. Mär. 2011 (MEZ)
Di noi Vorlaag gsiet guet uus. Minetwege chamer si ab sofort iisetze. Danke för de guet Iifall usem Wikingeniöörbüro Holder :-) --al-Qamar 13:55, 25. Mär. 2011 (MEZ)
Mer mueß aber ufbasse, ass do nit wider dr Mister Wikipedia syyni Regle duredruckt :-) --Holder 14:16, 25. Mär. 2011(MEZ)
Grundsätzli cha au imene Fall wie däm Solarenergie-Artikel e weng Ruggsicht nit schade. De Artikel bringt zwar nüüt, aber er duet au niemerm weh wenner emool en Daag im Namensruum stoot. --Terfili 14:27, 25. Mär. 2011 (MEZ)
Immerhin waiss de Autor, as Solarenergii mit de Sune z tue het, as si "Öko" isch und as Solarzele tüür sind. Da sind drai korrekti Uussaage! Guet, Alemanisch chaner offesichtlich nöd grad guet. Aber da isch onöd ase schlimm, ich cha deför kai Meänkieli blinzel  --al-Qamar 16:48, 25. Mär. 2011 (MEZ)