Wikipedia:Stub

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Stumpe (änglisch stub ‚Schtumml, Schtumpf‘) isch in dr Wikipedia dr Begriff für ekschtrem churzi (ein bis zwee Sätz) und informationsarmi Artikel.

Vorlag[Quälltäxt bearbeite]

Wenn e Artikel zwar de Mindestaforderige entspricht, trotzdem aber vyli Informatione fehle und er allgemein z churz isch, no kennzeichnet mer des durch d Stumpe-Vorlag. Dodurch solle anderi Mitarbeiter dezüe motiviert werre, de Artikel z erwytere. Stümpe werre durch d Vorlag {{Kurz}} kennzeichnet. Das gsiit na eso uus:

Crystal package settings.svg Dää Artikel isch no arg churz.

E Artikel sott im Normalfall fimf Sätz haa, dass er au intressant isch.
Wänn dä Artikel in zwo Wuche nit uusböue wore isch, cha s syy, dass er glescht wird.
Wenn Du mainsch, dä Artikel sott blybe oder Du wettsch e speter uusböue,
no chasch uf de Diskussionssyte gärn e Yyspruch schrybe.



Richtlinie: Was isch e Stumpe?[Quälltäxt bearbeite]

Di underi Gränze[Quälltäxt bearbeite]

De Artikel sott etwa 5 Sätz ha, dass mer en as Stumpe cha bezeichne; chürzeri Artikel laufe Gfohr, gly glöscht z werre. Dodeby zelle nit als Satz:

  • Infochäste
  • Tabälle und Liste[1]
  • Uffzellige
  • Churzi, eifachi Sätz zelle numme als Sätz, wenn si in Maße sinnvoll verwändet werre.
  • Statistischi Informatione
  • Deil, wo nit vo allgemeinem Inträsse sin.[2]

Di oberi Gränze[Quälltäxt bearbeite]

Wenn e Artikel au ohni Infochäste, Tabälle, Liste etc. fümf Sätz hät, no isch er no nit unbedingt (!) lang gnüeg. Je noch Thema isch e Artikel datsächlig mit siibe oder sogar scho mit denne fümf Sätz scho fertig und s git nüt meh (oder nümmi vyl) z ergänze; über anderi Theme gits wyt meh z schrybe. So müeß z. B. e Artikel, wo s alemannischsprochige Gebiet öbbis agoht, e relativ hochi Qualität uffwyse; bi andere wie z. B. über e Büechstabe, e ungarischi Stadt oder e Jupitermond chönne 8 Sätz scho gnüeg sy – mien aber nit.

  • Im allgemeine sott de Artikel um die acht Sätz im Minimum ha; säll isch aber kei Pflicht, sondern numme e Orientierigshilf.
  • D Sätz sotte amme so informativ sy, dass keini größere Lücke offe blybe.
  • Im Zwyfelsfall cha d Diskussionssyte brucht werre, we mer e Stumpevorlag wott ynesetze oder lösche.

Wo e Stumpe-Vorlag nit soll ygsetzt werre[Quälltäxt bearbeite]

Zwäck vo de Stumpe-Vorlag isch nit

  • druff hizwyse, dass s im Artikel falschi Informatione het. Dodefür git s d Vorlag Überarbeite.
  • azzeige, dass de Artikel in schlächtem Alemannisch gschribe isch. Säll kennzeichnet mer durch d Vorlag Fehlerhafts Alemannisch a.

Fueßnote[Quälltäxt bearbeite]

  1. Liste: E Usnahm bilde Artikel, wo nume oder vor allem Liste-Funktion hän, z. B. „Alemannischi Ortsnämme“: Do gilt d 5-Sätzli-Regle nit.
  2. Unsinnigi Sätz, wo de Läser nit interessiere werre, dürfe au dänn glöscht werre, wenn er dodurch e Stumpe oder sogar e Artikel zum Lösche wird.