Werner Wölfle

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Werner Wölfle (* 8. Juli 1953 z Konschtanz) isch e dytsche Bolitiker (Bindnis 90/Di Griene). Är isch vu 2006 bis 2011 Abgordnete im Landdag vu Bade-Wirttebärg gsii un isch syter anne 2011 Burgermaischter fir Allgmaini Verwaltig un Chrankehyyser vu Stuegert.

Uusbildig un Beruef[ändere | Quälltäxt bearbeite]

No dr Grundschuel, em Gymnasium un em Abitur z Konschtanz het er an dr Fachhochschuel Reidlenga Sozialpedagogik studiert. Vu 1992 bis 2006 isch er Berychslaiter vu dr Caritas Stuegert im Berych Juged- un Familiehilf gsii. Är isch Grind un Initiator vum 'Haus 49 im Stuegerter Norde un vum Schlupfwinkel, ere Aalaufstell fir obdachlosi Chinder un Jugedligi.

Bolitischi Laufbahn[ändere | Quälltäxt bearbeite]

Syter anne 1994 isch er Mitgliid vum Gmairot vu dr Stadt Stuegert un syt 1996 Vorsitzer vu dr Griene-Fraktion. Mit ihm an dr Spitz isch di Griene-Fraktion bi dr Kommunalwahl 2009 zum erschte Mol in ere dytsche Großstadt sterkschti Fraktion vor dr CDU wore. Dr Wölfle het di maischte Stimme vu allene Gmairotskandidaten iber.

Vu 1999 bis 2004 isch er Mitgliid vu dr Regionalversammlig vu dr Region Stuegert gsii.

Bi dr Landdagswahl 2006 het dr Werner Wölfle e Zwaitmandat fir dr Wahlchrais Stueget II (Filderwahlchrais) iberchuu. In dr 14. Wahlperiod derno isch er Mitglid vum Innen- un vum Petitionsuusschuss gsii. In syre Fraktion ischer Sprächer fir Verchehr un fir Integration gsii. Bi dr Landdagswahl 2011 isch er mit 34,2 Brozänt vu dr Stimmen as Diräktkandidat fir dr Wahlchrais Stuegert II in dr Landdag gwehlt wore.

Am 27. Juli 2011 het dr Gmairot vu dr Stadt Stuegert dr Werner Wölfle zum Burgermaischter fir fir Allgmaini Verwaltig un Chrankehyyser gwehlt. S Amt het er am 15. Augschte 2011 aadrätte. Sy Landdagsmandat het er zum 30. Novämber 2011 nider glait, sy Noofolger isch dr Nikolaus Tschenk wore.

Sunschtigs Engaschmänt[ändere | Quälltäxt bearbeite]

  • Mitgliid vum Verwaltigsrot vu dr Kommunale Gemeinschaftsstelle für Verwaltungsmanagement
  • Mitgliid vum Verwaltigsrot des Kommunalen Versorgungsverbands Baden-Württemberg
  • Mitgliid vum Kuratorium Kinderfreundliches Stuttgart
  • Mitgliid vu dr Mitgliderversammlig un vum Kuratorium vu dr Württembergische Verwaltungs- und Wirtschafts-Akademie e. V.
  • Vorstandsvorsitzer vum Verband vu dr Stuegerter Chrankehyyser
  • Mitgliid vum Landeschrankehuusuusschuss vum Sozialminischterium Bade-Wirttebärg
  • Mitgliid vum Verwaltigsuusschuss vu dr Agentur für Arbeit Stuegert
  • Mitgliid vum Ufsichtsrot vu dr NetCom Stuttgart GmbH Telekommunikationsdienste
  • Mitgliid vum Verwaltigsrot vu dr Datenzentrale Baden-Württemberg
  • Stellverdrättende Vorsitzer vu dr Verbandsversammlig un vum Verwaltigsrot vum Zweckverband Kommunale Datenverarbeitung Region Stuttgart
  • Mitgliid vum Ufsichtsrot vum Rechenzentrum Region Stuttgart GmbH
  • Mitgliid vum Ufsichtsrot vu dr Sportklinik Stuttgart GmbH
  • Stellverdrättende Vorsitzer vum Ufsichtsrot vu dr Volkshochschule Stuttgart e. V.

Familie un Privats[ändere | Quälltäxt bearbeite]

Dr Werner Wölfle läbt syter anne 1986 z Stuegert. Är isch katholisch un het zwai Chinder.

Weblink[ändere | Quälltäxt bearbeite]