Nikolaus Tschenk

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Nikolaus Tschenk (2013)

Dr Nikolaus Tschenk (* 16. Novämber 1953 z Stanišić, Jugoslawien) isch e dytsche Bolitiker (Bindnis 90/Di Griene).

Uusbildig un Beruef[ändere | Quälltäxt bearbeite]

Dr Tschenk isch z Rödermark uf d Volksschuel gange. Är het d Schuel un d Uusbildig abbrochen un isch as Uusstyger uf Indie gange. In eme chilchlige Sozial- un Drogeprojäkt het er drei Johr lang z Afganischtan, z Indien un z Nepal gschafft. No syrer Ruggchehr uf Dytschland het er z Stuegert uf em zweete Bildigswäg s Abitur noogholt un het an dr Universitet Stuegert Gschicht, Bolitik un Volkswirtschaft studiert. Derno het er as Schurnalischt un Redakteer gschafft, bis er anne 2005 Oberstapflelehrer an ere Waldorfschuel woren isch.

Bolitischi Laufbahn[ändere | Quälltäxt bearbeite]

Anne 1985 isch dr Tschenk Mitgliid vu dr Griene wore. Vu 1986 bsi 1988 isch er Bezirksbyrot z Merenga gsii. Vu 1987 bsi 1988 isch er Mitgliid im Chraisvorstand vu dr Griene z Stuegert gsii un syt 1998 isch er Sprächer vum Mehrenger Ortsverain vu Bindnis 90/Di Griene. Wu dr Werner Wölfle z Stuegert zum Burgermaischter gwehlt woren isch, isch dr Tschenk 2011 fir ihn as Abgordnete vum Wahlchrais Stuegert II in dr Landdag vu Bade-Wirttebärg noogruggt. Anne 2015 isch bekannt wore, ass dr Tschenk fir d Landdagswahl 2016 dr Wahlchrais em Griene-Minischter Winfried Hermann iberlosst.

Im Landdag isch er Mitgliid im Uusschuss fir Finanzen un Wirtschaft, im Uusschuss fir Verchehr un Infrastruktur un im Petitionsuusschuss. Derzue ischer stellverdrättend Mitgliid im Uusschuss fir Wisseschaft, Forschig un Chunscht, im Uusschuss fir Umwält, Klima un Energywirtschaft, im Uusschuss fir Arbet un Sozialornig, Familie, Frauen un Seniore un im Uusschuss fir Europa un Internationals.

Sunschtigs Engaschmänt[ändere | Quälltäxt bearbeite]

  • Mitgliid vu Amnesty International
  • Mitgliid vum Evangelische Studiewärch Villigst (Altvilligster)
  • Mitgliid vum Ferderverain vu dr Freie Waldorfschuel Baggena
  • Mitgliid vum Sonnenberg-Verein e. V. Stuegert-Mehrenga
  • Mitgliid vu dr Gnosseschaft vu dr „Tageszeitung“

Privats[ändere | Quälltäxt bearbeite]

Dr Nikolaus Tschenk isch ghyrote mit dr Christine Dietenmaier. Us ere erscht Eh het er zwoo Dechtere.

Weblink[ändere | Quälltäxt bearbeite]

 Commons: Nikolaus Tschenk – Sammlig vo Multimediadateie