Werner Schaler

Us der alemannische Wikipedia, der freie Dialäkt-Enzyklopedy
S Familiewabbe vo de Schaler
Dialäkt: Baseldütsch

Dr Werner Schaler († 18. Merz 1409) isch vo 1382 bis 1392 Bischof vo Baasel vo avignonesischer Obödiänz gsi.

Lääbe[ändere | Quälltäxt bearbeite]

Dr Werner isch dr Soon vom Ridder Rudolf Schaler gsi, eme bischöflige Ministeriale und Schulthäiss. Mä wäiss ass er 1351 Domherr und 1368 Archidiakon z Baasel gsi isch. 1382 het en e Minderhäit vom Domkapitel zum Bischof vo Baasel gweelt und am 21. Novämber het dr avignonesisch Bapst Clemens VII. die Waal bestäätigt. D Meerhäit vom Domkapitel het im Novämber dr Bropst vo Saint-Ursanne, dr Imer vo Ramstäi gweelt, und im Merz 1383 isch er vom römische Bapst Urban VI. bestäätigt worde. Wil dr Wolfhard vo Eerefels 1378 vo Urban VI. zum Koadjutor und 1381 zum Bischof vo Baasel ernennt worde isch, het s denn gliichzitig drei Bischöf vo Baasel gee. Dr Wolfhard het sich im Bistum nit chönne duuresetze und het d Understützig vom König verloore. Er isch denn gegen e Entschäädigung 1385 zrugdräte. Dr Imer het 1381 dt Stroossburger Bischof Friedrich vo Blankehäim zum Koadjutor ernennt und isch denn zrugdräte. Dr Werner het sich zerst dank dr Understützig vom Leopold III. in de habsburgische Gebiet chönne duuresetze. Wo aber im Leopold si Noochfolger, dr Albrächt III., iin het lo gheije, het dr Werner 1392 uf s Bistum verzichdet. Er het d Pfandschaft über d Herrschaft Istäi uf Lääbenszit as Entschäädigung bechoo.

Litratuur[ändere | Quälltäxt bearbeite]


Dä Artikel basiert uff ere fräie Übersetzig vum Artikel „Werner_Schaler“ vu de dütsche Wikipedia. E Liste vu de Autore un Versione isch do z finde.