Brandy

Goniagg im ene tüpische Goniaggglaas

Brandy (hoochdütsch Weinbrand vo middelhoochdütsch: gebranter wīn, sit em 16. Joorhundert in Forme wie brandtenwīn, brentenwein, brantewein) isch e Gattigsbegriff für Spirituoose us eme Wiidestillaat. As Goniagg isch s e gschützte Naame vom e Brandy us dr franzöösische Regioon Cognac.

Gschicht

Destillaat us Wii ghööre zu de eltiste Spirituoose uf dr Wält. Vermuetlig het mä scho sit 1000 n. Chr. im Gebiet vo dr hütige Türkei hoochbrozäntigi alkoholischi Getränk us Wii brennt. In Europa häi sich Wiidestillaat im Hoochmidelalter verbräitet und mä het sä zerst vor allem für medizinischi Zwäck brucht. Über s middelniiderdütsche brandewīn isch dr änglisch Begriff brandy wine entstande. Dä isch zu „Brandy“ abkürzt worde wird in vile öiropäische Länder wie Ängland, Italie und Schbanie, aber au internazionaal brucht. Bis sich d Schampanierparagraafe noch em Erste Wältchrieg duuregsetzt häi, het mä z Dütschland die franzöösischi Bezäichnig Cognac brucht.

Weblingg

 Commons: Brandy – Sammlig vo Multimediadateie

Fuessnoote

Dä Artikel basiert uff ere fräie Übersetzig vu dere Version vum Artikel „Weinbrand“ vu de dütsche Wikipedia. E Liste vu de Autore un Versione isch do z finde.