Zum Inhalt springen

Warsan Shire

Us der alemannische Wikipedia, der freie Dialäkt-Enzyklopedy
Dialäkt: Mìlhüüserdiitsch

D’ Warsan Shire (Somali Warsan Shireh, àrààwisch ورسان شرى) (* 1988 z’ Nairobi, Kenia) ìsch a somààlisch-britischa Dìchtera. Sa hàt dr àfrikàànischa Dìchtungspriis vu dr Brunel-Üniwärsiteet g’wunna.[1]

ìhr Laawa un Wark

[ändere | Quälltäxt bearbeite]

D’ Warsan Shire ìsch ànna 1988 ìn Kenia ìn’ra somààlischa Fàmìlia-n-uff d’ Walt kumma. Mìt ainem Joohr ìsch sa mìt ìhrer Fàmìlia ìn Anglànd gànga ge laawa.[2] Ìhr Schtüdium ìn kreàtiiva Schriiwa hàt sa mìt’ma Bachelor àbg’schlossa. Jez laabt sa z’ Los Angeles zamma mìt ìhrem Ehamànn Andres Reyes-Manzo un ìhra zwai Kìnder.[3]

Ànna 2011 hàt d’ Warsan Shire d’ Gedìchtsàmmlung Teaching My Mother How To Give Birth ìm Verlààg flipped eye loo veräffentliga. Ànna 2015 ìsch a greesser Gedìchtbànd biim gliicha Verlààg ärschììna. Ìn dr Zwìschazitt hàt d’ Sangera Beyoncé a pààr Gedìchta üss dr Shire ìhrem äärschta Bànd uff’m Àlbum Lemonade àls Zwìschatäkschta b’nutzt.[4][5] D’ Beyoncé hàt ìhr Wark wälla b’nutza, wu sa ìhr Gedìcht For Women Who Are Difficult to Love g’laasa hàt.[6][7][8] Ànna 2020 hàt sa ìn dr Shire ìhra Gedìchter ìm Film Black Is King b’nutzt.[9][10]

D’ Warsan Shire ìsch rund um d’ Walt iiglààda worra, fìr ìhra Täckschta laasa — unteràndrem ìn Diitschlànd, Itààlia, Nordàmerikà, Süüdàfrikà un Kenia.[11] Ìhra Gedìchta sìnn ìn zàhlriicha Zittschrìfta-n-ärschììna, wia-n-em Poetry Review, Magma un Wasafiri,[11] so wia ìn da Gedìchtersàmmlunga Salt Book of Younger Poets (Salt, 2011) un Ten: The New Wave (Bloodaxe, 2014). D’ Täckschta sìnn ìn mehrera Schproocha-n-ìwwersätzt worra, d’runter àui ìns Itàliaanischa, Schpàànischa, Portügììsischa, Schweedischa, Däänischa un Estnischa.[2] D’ Warsan Shire ìsch Verfàssungslaitera biim Spook Màgàziin ìm B’raich Dìchtung. Üsserdam gìbt sa waltwitt un online Poesie-Workshops.[2]

Ìm März 2022 hàt d’ Shire ìhr Bànd Bless the Daughter Raised by a Voice in Her Head veräffentligt.[3][12][13]

ìhra Üsszaichnunga

[ändere | Quälltäxt bearbeite]

D’ Warsan Shire ìsch fìr ìhra Kunscht mehrfàch üsszaichent worra. Ìm Àwrìl 2013 hàt sa dr äärschta àfrikàànischa Dìchtungspriis vu dr Brunel-Üniwärsiteet g’wunna.[14] Daa Priis wìrd àn Dìchter vergaa, wo noch kää aiga vollschtandig Büach veräffentligt hann.[11] D’rbii ìsch d’ Shire üss’ra Lischta vu da 655 Nominiarta-n-üssg’wählt worra.[14]

Ìm Oktoower 2013 ìsch d’ Warsan Shire àls äärschta „Young Poet Laureate for London“ ärnännt worra. Dia Ehrung ìsch Tail vum Spoke-Progràmm vu dr London Legacy Development Corporation, wo Kunscht un Kültüür ìm Londoner Queen Elizabeth Olympic Park un siinera Umgaawung färdert.[15] Ànna 2014 ìsch d’ Warsan Shire àls „poet in residence“ ìm àuischtrààlischa Bundesschtààt Queensland ärnännt worra. Ìn dam Rààhma hàt sa säcks Wucha ìm Aboriginal Centre for Performing Arts vum Queensland verbrocht.[2] Ìm Jüüni 2018 ìsch sa zem Mìtglììd vu dr Royal Society of Literature g’wählt worra.[16]

Ànna 2019 ìsch sa ìn d’ Literàtüür- un Gedìchtersàmmlung New Daughters of Africa vu dr Margaret Busby uffg’numma worra. Ìn dr Shire ìhra Gedìchtersàmmlung Bless the Daughter Raised by a Voice in Her Head ìsch fìr dr Felix-Dennis-Priis fìr d’ bäschta Debüüsàmmlung 2022, dr Dylan-Thomas-Priis 2023 un Griffin-Dìchtungspriis 2023 nominiart worra.[17][18][19][20]

ìhra Veräffentligunga

[ändere | Quälltäxt bearbeite]
  • Teaching My Mother How To Give Birth, flipped eye, 2011, ISBN 1-905233-29-9
    • ìns Frànzeescha-n-ìwwersätzt unter’m Tìtel Où j'apprends à ma mère à donner naissance, Éditions Isabelle Sauvage, 2017[21]
  • Her Blue Body, flap pamphlet series, flipped eye, 2015
  • Bless the Daughter Raised by a Voice in Her Head, 2022
    • Haus Feuer Körper, zwaischproochiga-n-Üssgààb Anglisch-Diitsch, ìwwersätzt vu dr Muna AnNisa Aikins, dr Mirjam Nuenning un em Hans Jürgen Balmes, S. Fischer Verlag, Frànkfurt àm Main 2022, ISBN 978-3-10-397106-4[22][23]
    • ìns Frànzeescha-n-ìwwersätzt unter’m Tìtel Bénie soit cette enfant qu'une voix dans sa tête à fait grandir, Éditions Globe, 2023[24]

Weblìnks

[ändere | Quälltäxt bearbeite]

Ainzelnoohwiisa

[ändere | Quälltäxt bearbeite]
  1. ↑ Alexis Okeowo: The Writing Life of a Young, Prolific Poet. In: The New Yorker. 21. Oktober 2015, abgruefen am 10. April 2024 (amerikanischs Änglisch).
  2. ↑ 2,0 2,1 2,2 2,3 Bio. WarsanShire.com, archiviert vom Original am 2. Februar 2015; abgruefen am 26. April 2015 (britischs Änglisch).
  3. ↑ 3,0 3,1 Alexis Okeowo: Warsan Shire's Portraits of Somalis in Exile. In: The New Yorker. 7. Februar 2022, abgruefen am 10. April 2024 (amerikanischs Änglisch).
  4. ↑ Amanda Hess: Warsan Shire, the Woman Who Gave Poetry to Beyoncé’s ‘Lemonade’. In: The New York Times. 27. April 2016, abgruefen am 3. Mai 2016 (amerikanischs Änglisch).
  5. ↑ Patricia Garcia: Warsan Shire Is the Next Beyoncé-Backed Literary Sensation. In: Vogue. 25. April 2016, archiviert vom Original am 20. Mai 2023; abgruefen am 10. April 2024 (amerikanischs Änglisch).
  6. ↑ Jamilah King: Here's the Warsan Shire Poem That Caught Beyoncé's Attention for 'Lemonade'. In: Mic. 25. April 2016, archiviert vom Original am 8. November 2023; abgruefen am 10. April 2024 (amerikanischs Änglisch).
  7. ↑ Rafia Zakaria: Warsan Shire: the Somali-British poet quoted by Beyoncé in Lemonade. In: The Guardian. 27. April 2016, archiviert vom Original am 24. Februar 2024; abgruefen am 10. April 2024 (britischs Änglisch).
  8. ↑ Anupa Mistry: Meet Somali-British Poet Warsan Shire Featured On Beyoncé’s LEMONADE. In: The Fader. 23. April 2016, abgruefen am 10. April 2024 (amerikanischs Änglisch).
  9. ↑ Rachel Thompson: Beyoncé drops breathtaking 'Black Is King' visual album with cameos from all the family. In: Mashable. 31. Juli 2020, archiviert vom Original am 4. August 2020; abgruefen am 10. April 2024 (amerikanischs Änglisch).
  10. ↑ Ellen E Jones: Warsan Shire talks to Bernardine Evaristo about becoming a superstar poet: ‘Beyoncé sent flowers when my children were born’. In: The Guardian. 26. Februar 2022, archiviert vom Original am 5. April 2024; abgruefen am 10. April 2024 (britischs Änglisch).
  11. ↑ 11,0 11,1 11,2 Warsan Shire Wins Brunel University African Poetry Prize 2013. Books Live, archiviert vom Original am 3. März 2016; abgruefen am 30. November 2013 (änglisch).
  12. ↑ Sarah McCammon: Beyoncé collaborator Warsan Shire releases her first full collection of poetry. National Public Radio, 27. Februar 2022, abgruefen am 10. April 2024 (amerikanischs Änglisch).
  13. ↑ Ernest Ogunyemi: Warsan Shire’s First Full-Length Poetry Collection Out in 2022. In: Open Country Mag. 23. Juli 2021, archiviert vom Original am 29. November 2023; abgruefen am 14. April 2024 (amerikanischs Änglisch).
  14. ↑ 14,0 14,1 Somali poet Warsan Shire on her African poetry award. BBC, 30. April 2013, archiviert vom Original am 4. November 2023; abgruefen am 30. November 2013 (britischs Änglisch).
  15. ↑ Warsan Shire announced as London’s first young poet laureate. BBC, 3. Oktober 2013, archiviert vom Original am 26. Januar 2024; abgruefen am 30. November 2013 (britischs Änglisch).
  16. ↑ Alison Flood: Royal Society of Literature admits 40 new fellows to address historical biases. In: The Guardian. 28. Juni 2018, archiviert vom Original am 2. März 2024; abgruefen am 10. April 2024 (britischs Änglisch).
  17. ↑ Warsan Shire. Griffin Poetry Prize, abgruefen am 15. September 2023 (amerikanischs Änglisch).
  18. ↑ Sarah Shaffi: Dylan Thomas prize shortlist includes four debuts. In: The Guardian. 23. März 2023, archiviert vom Original am 9. Januar 2024; abgruefen am 15. September 2023 (britischs Änglisch).
  19. ↑ Warsan Shire In conversation with Forward Arts Foundation. Forward Arts Foundation, archiviert vom Original am 31. Oktober 2023; abgruefen am 10. April 2024 (amerikanischs Änglisch).
  20. ↑ Lauren Brown: Mort, El-Kurd and Pollard make Forward Prizes for Poetry shortlists. In: The Bookseller. 16. Juni 2022, archiviert vom Original am 31. Oktober 2023; abgruefen am 10. April 2024 (amerikanischs Änglisch).
  21. ↑ Salomé Kiner: Warsan Shire, la poésie à corps écrits. In: Le Temps. 11. August 2017, archiviert vom Original am 26. März 2023; abgruefen am 10. April 2024 (französisch).
  22. ↑ Warsan Shire, „Haus Feuer Körper“ und Gedichte für Beyoncé. In: Diffus. 10. August 2022, abgruefen am 10. April 2024.
  23. ↑ Marie-Luise Knott: Warsan Shire: „Haus Feuer Körper“. Diitschlàndfunk Kültüür, 11. Januar 2023, abgruefen am 10. April 2024.
  24. ↑ Gladys Marivat: Warsan Shire transforme l’horreur en beauté. In: Le Monde. 18. Juni 2023, abgruefen am 10. April 2024 (französisch).
Dä Artikel basiert uff ere fräie Übersetzig vu dere Version vum Artikel „Warsan_Shire“ vu de hochdütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Warsan_Shire&oldid=1051748"