Vorarlberger Landeskonservatorium
| Vorarlberger Landeskonservatorium | |
|---|---|
| Gründig | 1977 |
| Ort | Fealdkirch, Vorarlberg |
| Land | Eschtrych |
| Gschäftsfierer | Jörg Maria Ortwein[1] |
| Netzwärch | IBH |
| Website | www.vlk.ac.at |
S Vorarlberger Landeskonservatorium isch e eschtrychisch Konservatorium mit Sitz in dr Stadt Fealdkirch z Vorarlberg.
Gschicht[ändere | Quälltäxt bearbeite]
D Gschicht vum Huus goht uf s Jesuitekolleg Stella Matutina zurgg, wu anne 1856 grindet woren isch un wu s Landeskonservatorium bis hite s Gebei dervu bruucht. S Landeskonservatorium isch 1977 as landesaige Konservatorium grindet un 2003 in e GmbH umgwandlet wore. Diräkter isch zerscht dr Anselm Hartmann gsii, in syre Amtszyt bis 2006 isch unter anderem e Kooperazionsverdrag mit dr Unwersitet Mozarteum Salzburg gschlosse wore.[2] Syt 2006 laitet dr Jörg Maria Ortwein s Vorarlberger Landeskonservatorium as Diräkter
Zurzyt studieren rund 360 Studänte*ne in d Studieberaich Begabigsferderig, Beruefsstudie un Wyterbildig. In Zämenarbet mit em Mozarteum fiert mer d Studänte*ne in dr Studierichtig Inschtrumäntal- un Gsangspedagogik (IGP) in acht Semeschter zum Bachelor of Arts. In dr Chinschtlerische Studie chunnt mer s Staatli Diplom no 12 Semeschter iber. Anne 2006 isch em Vorarlberger Landeskonservatorium di European University Charta vu dr Europäische Union vergee wore, syt 2009 isch s Mitglid im Hochschuelverbund vu dr Internazionale Bodeseehochschuel (IBH).
Zur dr Kooperazionspartner zelle d Breagazer Feschtspiil, s ORF-Landesstudio Vorarlberg, s Musikgimnasium z Fealdkirch un s Musikgimnasium Schiers (Graubünde), un derzue au Partner us Kultur un Bildig in dr Euregio Bodesee.
Anne 2019 het mer blant, ass s Konservatorium im Johr 2021 zuen ere Privatuniwersitet wird.[3][4] D Agäntur fir Qualitetssicherig un Akkreditierig Austria het där Aadrag vum Land Vorlardberg aber 2021 abglähnt, wel zwai vu 13 Kriterie in Dailberaich nit erfillt gsii seie.[5]
Uusgläseni Lyt, wu am Landeskonservatorium unterrichtet oder studiert hän[ändere | Quälltäxt bearbeite]
- Kirill Petrenko, Dirigänt
- Andreas Öttl, Solotrumpeter Bayerischs Staatsorcheschter
- Jürgen Ellensohn, Solotrumpeter hr-Sinfoniorcheschter un Hochschuellehrer
- David Helbock, Jazzpianischt
- Herwig Pecoraro, Operesänger an dr Wiener Staatsopere
- Äneas Humm, Opere- un Konzärtsänger
- Johannes Hämmerle, Musiker un Hochschuellehrer
- Clemens Morgenthaler, Sänger un Hochschuellehrer
- Herbert Walser, Musiker un Hochschuellehrer
- Fabian Pablo Müller, Musiker un Hochschuellehrer
Weblink[ändere | Quälltäxt bearbeite]
Commons: Stella Matutina (Jesuitenpädagogium) – Sammlig vo MultimediadateieFueßnote[ändere | Quälltäxt bearbeite]
- ↑ https://vlk.ac.at/das-konservatorium/personen
- ↑ Direktor des Vorarlberger Landeskonservatoriums zurückgetreten. Prässemitdailig vu dr Redakzion uf derStandard.at vum 17. Oktober 2006.
- ↑ Konservatorium will Privatuni werden. vorarlberg.orf.at, 26. Juni 2019, abgruefen am 26. Juni 2019.
- ↑ Landeskonservatorium wird Privat-Uni. In: ORF Vorarlberg. 14. Januar 2020, abgruefen am 15. Januar 2020.
- ↑ Vorarlberger Landeskonservatorium wird doch keine Universität. In: DerStandard.a]/APA. 26. Februar 2021, abgruefen am 26. Februar 2021.
|
Dä Artikel basiert uff ere fräie Übersetzig vu dere Version vum Artikel „Vorarlberger_Landeskonservatorium“ vu de dütsche Wikipedia. E Liste vu de Autore un Versione isch do z finde. |
Koordinate: 47° 14′ 5,7″ N, 9° 35′ 44,9″ O