Viktorina Kapitonova

d Viktorina Kapitonova, 2015

D Viktorina Kapitonova (russisch Викторина Капитонова; * 30. Juni 1985 z Tscheboksary) isch e russischi Ballerina. Syter anne 2018/2019 schafft s as Erschti Solischti bim Boston Ballet.

Lääbe un Wirke

D Viktorina Kapitonova het an d Ballettschuel Kasan un an dr Bolschoi Theater Akademy z Moskau studiert. Si isch Gwinneri vum Wettbewärb «Jung russisch Ballett» un vum Arabesque-Wettbewärb 2008 gsii. Am Dschalilja-Operehuus z Kasan het si syter 2005 Solopartie in Schwanensee, Dornröschen, Don Quichotte, La Bayadère, Coppélia un Der Nussknacker danzt. In dr Saison 2008/09 isch si Mitglid vum Stanislawski-Ballett z Moskau gsii.

Syter 2010 isch si Mitglid vum Ballett Züri wore. Do het si u. a. d Odette/Odile in „Schwanensee vum Heinz Spoerli danzt, Solopart in s Spoerlis „Ein Sommernachtstraum“, „Wäre heute morgen und gestern jetzt“, „...und mied den Wind“ un „Goldberg-Variationen“,d Rosetta in s Christian Spucks „Leonce und Lena“ un d Amme in s Spucks „Romeo und Julia“. Derzue het mer si in Choreografie vu Yury Grigorovich, Derek Deane, Wayne McGregor, Hans Van Manen, Edward Clug, Patrice Bart, Paul Lightfoot, Nacho Duato, George Balanchine, Mats Ek, William Forsythe, Jiří Kylián, Douglas Lee un Martin Schläpfer chenne sää.

Im Rame vu dr Raie Ballett Zürichs «Junge Choreografen» het si iri Choreografy „Two Bodies – One Soul“ bresäntiert.

In dr Saison 2014/2015 het si d Titelroll in s Christian Spucks Anna Karenina danzt. In dr nämlige het d Kapitonova dr Danzbryys vu dr Frynd vum Ballett Züri gwunne.

Zur Saison 2018/2019 isch si zum Boston Ballet gwägslet.

Weblink

 Commons: Viktorina Kapitonova – Sammlig vo Multimediadateie

• Offiziälli Websyte
• d Viktorina Kapitonova uf dr Syte vum Boston Ballet

Fueßnote

Dä Artikel basiert uff ere fräie Übersetzig vu dere Version vum Artikel „Viktorina_Kapitonova“ vu de dütsche Wikipedia. E Liste vu de Autore un Versione isch do z finde.