Vesta

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Vesta (latiinVesta, -ae) isch di röömische Herdgöttin. Si isch mit de griechische Hestia gliichgsetzt wore.

D Vesta isch d Göttin vom römische Staatsherd gsii und isch nume selte as Göttin vom hüüsliche Herd vereert wore. Ere Tempel, wo noch de Saag vom Numa Pompilius gründet woren isch, isch am Rand vom Forum Romanum gstande. S isch en archaische Rundtempel gsii, wo nume d Vestaline hend töre inegoo. Die sind jungfroilichi Priesterine vo de Vesta gsii, wo s hailige Füür ghüetet hend. De Tempel isch e paarmol abebrennt und jedesmool noi uufbaut wore.

Zäme mit em Vulcanus hett si e Paar vo de Zwölfgötter bildet.

Literatur[ändere | Quälltäxt bearbeite]

  • C. Robert III. Phillips: Vesta. In: Der Neue Pauly (DNP). Band 12/2, Metzler, Stuttgart 2002, ISBN 3-476-01487-8, Sp. 130–132.