Verlag Waldemar Lutz

Us der alemannische Wikipedia, der freie Dialäkt-Enzyklopedy

Dr Verlag Waldemar Lutz isch e chlaine Buechverlag, wu anne 1978 z Löörech grindet woren isch un dr Schwärpunkt uf regionali Literatur un Sachbiecher het.

iber dr Verlag[ändere | Quälltäxt bearbeite]

Dr Waldmer Lutz (* 1942) het Gschicht un Chunscht un in dr Semeschterferie in ere Buechbiunderei gschafft. Eso isch er uf s Buech mache chuu, är het s Studium abbroche un im Sälbschtverlag anne 1976 dr Bildband „Bilder aus Alt-Lörrach“ vereffetligt. Wel s Buech eso ne Erfolg gsii isch, het er zwai Johr speter, 1978, en aigene Verlag unter sym Name grindet. Anne 1979 sin si in e aige, nei böue Verlagshuus in dr Basler Stroß 130 zoge.

Zäme mit syre Frau Gerlinde het dr Waldemar Lutz dr Verlag mit dr Schwärpinkt Regionalia un haimetkundligi Schuelbiecher ufböue. 1980 chunnt sim Verlag di modärn Haimekund „Kennzeichen LÖ“ uuse, wu zum Vorbild vun ere Raie mit glychartige Haimetkunde zue iber 20 Landkrais z Bade-Wirttebärg un z Rhyland-.Pfalz. Vu 1995 bis 2017 isch im Verlag Waldemar Lutz au s Löörecher Johrbuech uusechuu.[1]

Au Biecher uf Alemannisch sin im Verlag Waldmer Lutz uusechuu, z. B. In Mueters Stübeli, e Chinderliederbuech, wu dr Raimund Kagerer uusegee het. Dr Waldemar Lutz sälber het s Bilderbuech Alte Hex vo Binze (1979) gschribe mit Illuschtrazione vu dr Traute Enderle-Sturm un d Versli us em Kinderland (1982) mit alemannische Chinderrym zämedrait

Anne 1989 hän si d Buechhandlig „LUTZ – Die Buchhandlung“ ufgmacht, wu d Gerlinde Lutz gfiert het, ab 1995 no aigene Aagabe di grescht Buechhandlig z Löörech. Anne 2016 hän s Lutze d Buechhandlig zuegmacht, dr Verlag fiere sy aber allno.[2]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Vom Schnarchen der Eulen, Badische Zeitung, 15. Novämber 2017
  2. Umbruch im Buchhandel geht weiter, Badische Zeitung, 9. Dezämber 2016