Verkehrsbetrieb der Landschaft Davos
| Verkehrsbetrieb der Landschaft Davos | |
|---|---|
| |
| Basisinformatione | |
| Sitz vom Undernähme | Davos, Graubünden |
| Webpräsenz | www.vbd.ch |
| Eigedümer | Gemeinde Davos |
| Bedriibsleitig | André Fehr |
| Linie | |
| Bus | 7 |
| Zahl vo de Fahrzüüg | |
| Omnibus | 13 |
| Statistik | |
| Haltstelle | 63 |
| Sustigi Bedriibsiirichtige | |
| Depots | Dorfstrasse 18, Davos Dorf |
De Verkehrsbetrieb der Landschaft Davos (VBD) betrib sit 1990 ds jetz siba Linie umfassend Davoser Ortsbusnetz. Dezua hets momentan an eigena Fuahrpark vo 13 Büs, wo vo Fahrzüg vo mehrerera Konzessionär ergänzt wird.
Streckanetz[ändere | Quälltäxt bearbeite]
Ds Davoser Linineanetz bstaht us sina Liniea, welli über d gsamta Landschaft Davos erstreckt:
| Linia | Streckaverlauf | Betriber |
|---|---|---|
| 1 | Laret – Wolfgang – Bahnhof Dorf – Postplatz – Spital – Frauenkirch – Glaris | VBD + Kessler +
Postauto |
| 3 | Stilli → Bahnhof Dorf → Postplatz → Bahnhof Platz → Bahnhof Dorf (halbsitiga Rundkurs) | VBD |
| 4 | Bahnhof Dorf → Bahnhof Platz → Postplatz → Bahnhof Dorf → Stilli (halbsitiga Rundkurs) | VBD |
| 8 | Bahnhof Platz – Spital – Clavadel – Sertig | Postauto |
| 10 | Glaris – Monstein | Postauto |
| 12 | Bahnhof Dorf – Teufi – Dürrboden (nu Summersaison) | Kessler |
| 13 | Bahnhof Dorf – Durchli – Teufi | VBD |
Durchmässerlinia 1[ändere | Quälltäxt bearbeite]
D Linia 1 stellt de Rückgrat vum Davoser Ortsbusnetz dar und durchzieat d Landschaft Davos vum Norda in Süda.
Si geit vum Cherplatz vu dr Haltastell Laret Landhaus, wo im Norda vu dr Gmaind bim Wiler Laret isch, über d Prättigauerstrass uf d Passhöchi Wolfgang und vu det us verbi a der Hochgebirgsklinik und am Davosersee noche. Abam Bahnhof Dorf folgt d Strecki der Promenada verbi a der Talstation vu der Parsennbahn witers uf Davos Platz, wo über Kongresszentrum, Sportzentrum und de Talstation vu der Schatzalpbahn der Postplatz und de Davoser Spital erreicht werdend. Nacher verlaht d Linia ds Zentrum vu Davos, um em Landwassertal in Süda z folga und über de Wiler Frauakirch, d Mühli und de Bahnhof Glaris mit da Talstation vu der Rinerhornbahn de südlich Endpunkt ds Glaris Ortolfi z erreicha.
D Linia 1 verchert im Winter tagsuber im 15-Minuta-Takt zwüscha Glaris und Wolfgang. Jeda zweit Kurs fahrt ab Wolfgang witer bis uf Laret, dadurch ergits uf dem churza Teilstuck an 30-Minuta-Takt. In Tagesrandlag werdend zudem beidi Ussaabschnitt Glaris – Spital und Davos Dorf – Laret sukzessiv witer usdünnt. So ab 19:00 bis Mitternacht verchert nur no ai Kurs pro Stund in d nördlicha und südlicha Ussafraktiona.
Im Summer verchrebd all halb Stund Kursa zwüscha Glaris und Laret, wo zwüscha Spital und Bahnhof Dorf uf en 15-Minutea-Takt verdichtet werdend. Im Spatvercher werdend d Ussafraktiona wie im Winter stündlich erschlossa.
Ergänzend zu d Bussen vur VBD wird regulär au je ai Umlauf vu der Kessler AG und vo Postauto Graubünda bediant.
D Fahrzit für d Gsamtstrecki betrait in Richtig Norda ca. 34 und in Richtig Süda rund 32 Minuta.
Rundkursline 3 und 4[ändere | Quälltäxt bearbeite]
D Linie 3 und 4 bilda sich ergänzendi Rundkursa im Zentrum vu Davos.
Linia 3 füahrt vum am Rand vum Flüelatal ligand Haltestell Stilli über de Bahnhof Dorf und d Promenada zum Postplatz und witer zum Bahnhof Platz, wo sich au d Talstation vu der Jakobshornbahn befind, um de über d Talstrass wider zurüg zum Bahnhof Dorf z cho.
Linia 4 verchert uf der gleicha Strecki in entgägegsetzt Richtig: Si fang am Bahnhof Dorf a, geit der Talstrass nah zum Bahnhof Platz, vu det über de Postplatz, d Promenada und nomol verbi am Bahnhof Dorf für zur Endhaltestell Stilli z cho. Uf de Promenada und Talstrass fahra d Büs vu der Linia 4 dezue entgega vu der uf beida Strasse gältend Einbahnregelig im Gegavercher.
D Rundkurslinie verchera zu da Hauptvercherszita im Winter im 15-Minuta-Takt. In Tagesrandlag wird da Abschnitt uf da Talstrass und zwüscha Bahnhof Dorf und Stilli nu no eismol pro Stund und Richtig bediant.
Im Summer wird tagsüber uf da Promenada ebafalls en 15-Minuta-Takt pro Richtig abota. Nu jeda zweiti Kurs fahrt witer uf da Talstrass und uf Stilli, wos det an 30-Minutea-Takt git.
D durchschnittlicha Fahrzita sind ab Stilli und gega de Uhrzeigersinn (Linia 3) 25 Minuta und im Uhrzeigersinn und bis Stilli (Linia 4) 24 Minuta.
D Fahrzüg wechsla ade Endpünkt Stilli und Bahnhof Dorf für d Rückfahrt vo der einta Linia zur andera, im Summer wändat jeda zweit Kurs schu bim Bahnhof Platz.
Sertig (Linia 8)[ändere | Quälltäxt bearbeite]
D Linia 8 füahrt vum Bahnhof Davos Platz zum Spital, witer uf Clavadel, wo überam Taligang zum Sertigtal ligt, bis zhinderst ins Sertigtal uf Sertig Sand.
Di Linia wird vu Postauto Graubünda bediant und verchert ds ganza Jahr stündlich, obwohl einzelni Fahrta ab Bahnhof Platz nu bis zuma Cherplatz an der Höhenklinik Clavadel und zrüg verchera. Für d Gsamtstrecki brucht der Bus normalerwus 25 Minuta berg- und 27 Minuta talwärts.
Monstai (Linia 10)[ändere | Quälltäxt bearbeite]
D Linia 10 verbindat de Endpunkt vu der Linia 1 ds Glaris mitam Dorf Monstai, wo sich hoch überam Landwassertal befind.
Au uf diser Linia chunts es Postauto zum Isatz, wo dia Strecki im Stundatakt bediant. D Fahrzit ligt 12 Minuta bergwärts und 11 Minuta talwärts.
Dischma (Linia 12 und 13)[ändere | Quälltäxt bearbeite]
D Linia 12 erschliasst usgehend vum Bahnhof Dorf da hindera Dischmatal. Über Teufi ussa geit d Strecki de befestiga Strass bis Dürrboda na.
Äs vercherend jeda Tag füf Kursa ussschlieasslich ider Summersaison. D Fahrta werdend mit Fahrzüg vu der Kessler AG duragfüahrt. D Fahrzit ligt bi 30 Minuta.
D Linia 13 verbindt de Bahnhof Dorf entlag vu der Dischmastrass mit da Höf und Wiler vum undera Dischmatal und endat ds Teufi.
Zwüscha Bahnhof und Sägewerk Duchli vercherend d Büs ds ganza Jahr halbstündlich, witer bis uf Teufi jedi Stund. D Fahrt durat circa 12 Minuta.
Fahrzüg[ändere | Quälltäxt bearbeite]
De Wageapark umfasst momentan 13 Niderfluarbussa. Alli sind mit Partikelfilter usgrüschtat, di besitiga 99 % vum Russ- und Finstaub us de Abgasa. Durchschnittlich fahrt jeda Bus ca. 35'000 Kilometer im Jahr, d Spitzaleischtig isch ca. 70'000 km, en Linieabus isch 12–13 Jahr in Betrib. (Stand: 22. November 2021)
| Nr | Fahrzügtyp | Baujahr | Design | Motoraleischtig | Plätz |
|---|---|---|---|---|---|
| 01 | Mercedes-Benz O 530 III „C2“ | 2016 | 220 kW / 299 PS | 27 + 80 | |
| 02 | Mercedes-Benz O 530 N „Citaro“ | 2004 | VBD-Design (gälb-wiss) | 205 kW / 279 PS | 27 + 80 |
| 03 | Mercedes-Benz O 530 III „C2“ | 2017 | Vollwerbig Davos | 220 kW / 299 PS | 27 + 80 |
| 04 | Mercedes-Benz O 530 III „C2 Hybrid“ | 2020 | VBD-Design (gälb-wiss) | 220 kW / 299 PS | 27 + 80 |
| 05 | MAN NM223 A76 | 2005 | VBD-Design (wiss) | 162 kW / 220 PS | 21 + 43 |
| 06 | Mercedes-Benz O 530 N „Citaro“ | 2006 | VBD-Design (gälb-wiss) | 205 kW / 279 PS | 27 + 80 |
| 07 | Mercedes-Benz O 530 II „Citaro Facelift“ | 2008 | VBD-Design (gälb-wiss) | 220 kW / 299 PS | 27 + 80 |
| 09 | Mercedes-Benz O 530 III „C2“ | 2015 | VBD-Design (gälb-wiss) | 220 kW / 299 PS | 27 + 80 |
| 10 | Mercedes-Benz O 530 III „C2“ | 2015 | VBD-Design (gälb-wiss) | 220 kW / 299 PS | 27 + 80 |
| 11 | Mercedes-Benz O 530 III G „C2“ | 2014 | VBD-Design (gälb-wiss) | 260 kW / 360 PS | 36 + 133 |
| 12 | Mercedes-Benz O 530 III G „C2“ | 2018 | VBD-Design (gälb-wiss) | 260 kW / 360 PS | 36 + 133 |
| 13 | Mercedes-Benz O 530 II G Citaro Facelift | 2010 | VBD-Design (gälb-wiss) | 260 kW / 360 PS | 40 + 124 |
| 14 | Mercedes-Benz O 530 II G Citaro Facelift | 2009 | VBD-Design (gälb-wiss) | 260 kW / 360 PS | 40 + 124 |
| 15 | Mercedes-Benz O 530 III G „C2 Euro 5“ | 2012 | VBD-Design (gälb-wiss) | 260 kW / 360 PS | 36 + 133 |
| 16 | Mercedes-AMG O630 | 2016 | Petronas-Design | 500 kW / 680 PS | 3 + 150 |
De VBD Davos het 2008 13 Bussa bsitzt, bis uf de MAN-Midibus sind alli vu Mercedes-Benz. Das sind im Einzelna d oba ufglisteta Fahrzüg. Si sind inda neua Garage vUm VBD Davos im Oberdorf abgstellt. Alli Fahrzüg sind Niderfluar-Büs, wo es Istiga a Haltastella liachter macht. D Glenkbüs werdend hauptsächli uf de Linie 1 und 7 igsetzt. D Liniabüs vur VBD, wo kai Vollwerbig traga, hei n wiss-gälbi Lackierih. En Bus trait en schwarzi Lackierig mit Vollwerbig für ds Casino Davos, en Waga isch wiss lackiert und trait Werbig für d Elektrizitätswerch Davos und en Waga wirbt für ds Rätia Center. D Standardbüs hei drei Türa, was es schnällers Istiga und Usstig vum Bus ermöglicht und dermit en chürzeri Standzit an de Haltastella het. D ds Davos igsetzta Glenkbüs hei vier Türe, zwei voram Glenk und zwei hinderam Glenk. Der 2006 bschafft Midibus isch der ainzig Bus vur VBD mit nu 2 Türa gsi. Er wird uf de Linia 13 zwüscha Davos Dorf und Durchli Sage beziehigswis Teufi igsetzt. Ab 2017 sind ds Davos nu no Mercedes-Benz Citaro mit Euro 6 und Euro 5 im Isatz.
Kessler Betriebe AG[ändere | Quälltäxt bearbeite]
| Nr | Fahrzeugtyp | Baujahr | Design | Motorleistung | Plätze |
|---|---|---|---|---|---|
| Mercedes-Benz O 530 III „C2 Euro 5“ | 2012 | weiss | 220 kW / 299 PS | 27 + 80 | |
| Mercedes-Benz O 530 III G „C2“ | 2017 | grau | 260 kW / 360 PS | 40 + 124 |
D Kessler Betriebe AG fahrt im Uftrag vur VBD d Linia 12 und au Umlauf uf der Linia 1.
PostAuto[ändere | Quälltäxt bearbeite]
| Nr | Fahrzeugtyp | Baujahr | Design | Motorleistung | Plätze |
|---|---|---|---|---|---|
| 11590 | Mercedes-Benz O 530 III G „C2“ | 2020 | gelb | 260 kW / 3060 PS | 40 + 124 |
Ai Umlauf uf der Linia 1 wird vu PostAuto gefahra.
Speziells[ändere | Quälltäxt bearbeite]
Ab Juli 2008 sind alli Fahrzüg mit Defibrillatora ussgstattat.
Sit Summer 2009 giz in alla Büs es neus Kassasystem.
Wärandam alljährlicha ds Davos statt findenda World Economic Forum werdend d Fahrzüg vur VBD und sina Partner für d Dur vur Tagig grossflächig mit internationala Vollwerbige bechlebt.
Links[ändere | Quälltäxt bearbeite]
Commons: VBD – Sammlig vo Multimediadateie