Verbund – Kooperazioone vo Organisazioone
As Verbund bezäichnet mä im witere Sinn alli Kooperazioone zwüsche Undernääme oder andere Veräinigunge vo Persoone, wo gmäinsaami Inträsse oder Ziil verfolge. Vom ene Verband underschäidet er sich drdur, ass dr Verbund käini übergordneti Organisazioonsstruktuur hat, z. B. e gmäinsaami Gschäftsornig, wo für alli Mitgliider bindend isch.
Allgemäins über dr wirtschaftligi Verbund
[ändere | Quälltäxt bearbeite]Dr Verbund isch e Verbindig vo Undernääme, wo d Undernääme weenigstens äi gmäinsaams Inträsse oder Ziil verfolge, aber rächtlig und mäistens au wirtschaftlig vonenander unabhängig bliibe. D Partner vom ene Verbund bilde e Gsamthäit, wo nume wirtschaftlig isch.[1] Üsserlig kennt mä e Verbund vilmol am e äihäitlige Corporate Design. Im Underschiid zum Verbund het dr Verband Mitgliider, wo sich uf dr Grundlaag von ere Satzig zsämmeschliesse, wääred dr Verbund us Partner bestoot, wo kooperiere. Bim Konzärn verliere die äinzelne Dochdergsellschafte iiri wirtschaftligi Sälbständigkäit.
Organisazioon
[ändere | Quälltäxt bearbeite]S Organisazioonsbrinzip vom ene Verbund isch d Dezentralisierig vom operatiive Gschäft bi de autonoome Partner vor Ort.[2] Dr Verbund isch uf dr höggste Eebeni mäistens wie e Dachverband organisiert, wo d Verbundpartner in Verbundfrooge berootet, für en äihäitlige Ufdritt und Wirkig gege Usse sorgt und d Strategii vom Verbund festläit.
Bispil
[ändere | Quälltäxt bearbeite]- d EU, en öiropääische Staateverbund, wo d Mitgliidsstaate änger zsämmeschaffe as im ene Staatebund, aber im Geegesatz zum ene Bundesstaat die staatligi Suwerenidäät bhalte. [3]
- d ARD, dr dütsch Rundfunkverbund
- dr Migros, e Verbund vo Gnosseschafte in dr Schwiz
Kwelle
[ändere | Quälltäxt bearbeite]Dr Ardikel «Verbund (Kooperation)» uf dr dütsche Wikipedia
Fuessnoote
[ändere | Quälltäxt bearbeite]- ↑ Rolf Giese, Die Bedeutung verbundenen Wirtschaftens für die Bestimmung wirtschaftlicher Einheiten, 1970, S. 73 FN 4
- ↑ Reinhold Sellien/Helmut Sellien (Uusegääber), Gablers Wirtschafts-Lexikon, 1988, Sp. 2051
- ↑ das isch e dütsche Neologismus ooni Entsprächig in andere Sprooche
|
Bitte gib au Achtig uf dr Hiwis zue Rechtstheme! |