Val Colla
S Val Colla isch e Quartier vo de Stadt Lugano. Es isch am 15. April 2013 entstande, will di politische Gmainde Bogno, Certara, Cimadera und Valcolla mit de Gmaind Lugano fusioniert händ. Dodemit isch au de Chrais Sonvico, wo die und no drü anderi Gmainde dezue ghört händ, ufglöst worde.
Geografii
[ändere | Quälltäxt bearbeite]S Quartier und s Tal Val Colla sind fascht idäntisch. S Quartier lit zhinderscht ime lange Tal, wo de Fluss Cassarate vo Bogno bis uf Lugano abe dureflüsst. Uf baide Talsite und am Cassarate entlang füert je e Schtross vo Tesserete (Gmaind Capriasca) und Lugano här is Tal ine und erschlüsst eso die vile chline Dörfer vo däm Gebiet. Di bewohnte Sidlige sind uf ere Höchi vo rund 750 m bis uf öpis über 1000 m ü. M., de Bärgchranz goot vo knapp 1'500 bis zum 2'116 m höche Gazzirola ufe. S Val Colla gränzt im Süde und Oschte a Italie.
Sprooch
[ändere | Quälltäxt bearbeite]Im Val Colla hät me früener näbed em lombarische Tessinerdialäkt en aigeni Ghaimsprooch ghaa, s Rügín.
