Chacheliflicker
| Dialäkt: Schwäbisch |
Chacheliflicker warad Leid, mo s henigs Tongeschirr ausbessrd hend. Drzua hod s a baar Methoda gea. Oimol hod ma s Gschirr an de Bruchschdella mid ama Gmisch aus Wassrglas ond Tonmehl bschdricha on drnoch es mid ama Drohdgflechd ibrzoga ond no amol brennd. A andre Method war, en d Bruchschdella Schdifdla eizsetza ond drnoch au mid ama Gmisch aus Wassrglas ond Tonmehl bschdreicha ond no amol brenna.
Weil d Chacheliflicker koinr Zumft aagherd hend ond en koinr feschda Werkstatt gschaffd hend, sondrn zu de Leid komma send (weil se an oim Ord koi Auskomma gfonda häddad), hod dr Ausdruck au ebbes Vrächdlichs ghed ond se send mid de Jenische gleichgseds worra.[1]
Nachdem s Gschirr durch induschdrielle Methoda en dr Prduktioo billigr worra isch, hod sich des nemme glohnd ond d Chacheliflicker send ausgschdorba. Fir Antikes geids no a baar Schbezialischda.
Zom Flicka vo greßram Gschirr, vo Gschirr zom Kocha, Pfanne oder Kessel aus Meddall, warad d Pfanneflicker oder d Kesselflicker zueständig.[2][3]
Andere alemannische Werdr fer dea Bruaf send Chachelihefter, Beckibinder, Hafebinder, Beckibööri, Beckibüezer, Chachlebüezer, Hafebüezer.[4]
Chacheliflicker heute
[ändere | Quälltäxt bearbeite]In moderne Zeida isch d Reparatur vo Geschirr blos no fir bsondrs Gschirr wia Aniquitäta üblich.[5]
Nedsadressa
[ändere | Quälltäxt bearbeite]- Der Chacheliflicker. Artikel vom Benjamin Stocker-Zaugg uf jodler.ch vom 17. Juni 2009
- Geschirrflicker/in. Tradizionells Handwärk i de Schwiz, uf ballenbergkurse.ch
- Löter-Köbu us em Ungerfrittebach. Mundarttegscht vom Hans Minder über d Arbet vom Chacheliflicker uf wochen-zeitung.ch
- Kintsugi : The Art of Broken
Mo s her isch
[ändere | Quälltäxt bearbeite]- ↑ Topfflicker uf woerterbuchnetz.de
- ↑ Kesselflicker/in Tradizionells Handwärk i de Schwiz, uf ballenbergkurse.ch
- ↑ Pfannenflicker (Memento vom 13. Oktober 2018 im Internet Archive) uf stiftung-fahrende.ch
- ↑ Schweizerisches Idiotikon, ondr deana Werdr.
- ↑ Wang Peibo – Ein Porzellan-Restaurator schenkt zerbrochenem Porzellan ein zweites Leben. In: China_heute. CRI, 7. April 2022, abgruefen am 18. Januar 2026.