Tongatapu

Us der alemannische Wikipedia, der freie Dialäkt-Enzyklopedy
Tongatapu
Charte vo Tongatapu
Charte vo Tongatapu
Charte vo Tongatapu
Gwässer Pazifik
Geographische Lage 21° 13′ S, 175° 9′ WKoordinate: 21° 13′ S, 175° 9′ W
Tongatapu (Tonga)
Tongatapu (Tonga)
Tongatapu
Tongatapu
Lengi 34,2 km
Breiti 17,8 km
Flechi 257,03 km²
Hechschti Hebi 65 m
Iiwohner 70.877 (2006)
276 Einw./km²
Hauptort Nukuʻalofa
D Laag vo Tongatapu im Süde vo de Tonga-Insle
D Laag vo Tongatapu im Süde vo de Tonga-Insle
D Laag vo Tongatapu im Süde vo de Tonga-Insle

Tongatapu isch die grössti Insle im Köönigriich Tonga. Si isch vo 70'877 (2006) Iiwooner bewoont, mee as es uf jedere vo de andere Insle het. 23'658 Lüt häi zur Zit vo dr Volkszelig 2006 z Nukuʻalofa gwoont und 34'311 in dr Agglomerazioon. Nukuʻalofa isch die grössti Stadt uf Tongatapu und d Hauptstadt vo Tonga. D Insle het z Fuaʻamotu en internazionale Flughaafe und z Nukuʻalofa e Haafe.

Geografii und Natur[ändere | Quälltäxt bearbeite]

D Insle isch 257,03 km² grooss (mit de Nääbeninsle 260,48 km²) und zimlig flach, wil si us Korallechalch (Chalchstäi) ufbaut isch. Si het e dicki, fruchtbari Ärdschicht bedeckt, wo vo de Vulkan in dr Umgääbig mit Vulkanäsche düngt worde isch. Stäilküste im Süde isch bis zu 35 m hooch, im Norde fallt d Insle zum Meeresspiegel ab. Die höggsti natürligi Erheebig uf Tongatapu isch 65 m hooch. Si lit ganz im Süde vo dr Insle zwüsche de Dörfern Fuaʻamotu und Nakolo.

Im Norde vo dr Insle het s do und döt chliini Inseli und e Hufe Koralleriff, wo vom Ufer us bis zu 7 km wit ins Meer chönne uusegoo. Im Norde si au d Lagune vo Fangaʻuta- und Fangakakau, wo fast ganz vo Riff iigschlosse si und e Wasserdiefi zwüschen 1 und 6 m häi. S ganze Lagunesüsteem het e Flechi vo 2'835 ha und isch 1974 under Naturschutz gstellt worde. D Mangrovewälder bestönde vor allem us Rote Mangrove (Rhizophora sp.) und si e wichdigs Bruetgebiet für Fisch und Vögel.

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Tongatapu“ vu de dütsche Wikipedia. E Liste vu de Autore un Versione isch do z finde.