Tirthamkara
En Tirthamkara (skt. तीर्थंकर, tīrthaṃkara m.; amg. titthagara „Furtbiraiter“) isch im Jinismus e Hailsverchünder, wo mit sinnere Hailslehr d Furt öber de Ozean vo de Wiedergeburte zaigt. Well s recht Wösse bi de Mentsche immer wider verlore gös, werd vo Zitt zu Zitt e Tirthamkara uf de Erde inkarniert. Trömm chündet bi de Muetter sini Giburt aa. Bikannt sind 24 Tirthamkara, de 19. isch e Frau; doch well d Digambara globet, as e Frau kai Erlösig erlange cha, bitrachtet si ali Furtbiraiter as Mane. Jede Tirthamkara het e bistimmti Huutfarb und e Symbol, wo aber zum Tail bi de Digambara en anders isch, as bi de Shvetambara.
| Tirthamkara Sanskrit |
Titthagara Ardhamagadhi |
Huutfarb | Symbol | |
|---|---|---|---|---|
| 1. | Rishabha | Usabha | goldig | Stier |
| 2. | Ajita | Ajiya | goldig | Elifant |
| 3. | Sambhava | Sambhava | goldig | Ross |
| 4. | Abhinandana | Abhinandana | goldig | Aff |
| 5. | Sumati | Sumai | goldig | Braachvogel |
| 6. | Padmaprabha | Paumappaha | root | roote Lotus |
| 7. | Suparshva | Supasa | goldig | Svastika |
| 8. | Chandraprabha | Chandappaha | wiiss | Halbmoo |
| 9. | Pushpadanta | Pupphadanta | wiiss | Makara (Chreps) |
| 10. | Sitala | Siyala | goldig | Shrivatsa (Pippalfige) |
| 11. | Shreyan | Sejjamsa | goldig | Nashorn (Garuda) |
| 12. | Vasupujya | Vasupujja | root | Büffel |
| 13. | Vimala | Vimala | goldig | Eber |
| 14. | Ananta | Ananta | goldig | Falch (Bäär) |
| 15. | Dharma | Dhamma | goldig | Donnerstai |
| 16. | Shanti | Santi | goldig | Antilope |
| 17. | Kunthu | Kunthu | goldig | Gaissbock |
| 18. | Ara | Ara | goldig | Nandyavarta (Fisch) |
| 19. | Malli | Malli | blau | Wassertopf |
| 20. | Munisuvrata | Munisuvvaya | schwarz | Schildchrott |
| 21. | Nimi | Nami | goldig | blaue Lotus (Ashoka-Bomm) |
| 22. | Arishtanemi | Aritthanemi | schwarz | Muschle |
| 23. | Parshva | Pasa | blau | Schlange |
| 24. | Vardhamana | Vaddhamana | goldig | Loi |
Büecher[ändere | Quälltäxt bearbeite]
- Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X
- Walther Schubring: Der Jinismus; i Die Religionen Indiens, Bd.III. Stuggart: Kohlhammer 1964.