Thomas Meyer

Dr Thomas Meyer (* 20. Jänner 1974 z Züri) isch e Schwiizer Schriftsteller, Teggschder und Aktionskünstler.

Dr Thomas Meyer isch z Züri as Sohn vonere jüdische Mueter und eme chrischdliche Vater uf d Wält cho und isch z Mellige und Wädischwil ufgwachse. Nach eme abbrochene Rächtsstudium a der Uni Züri hed er as Texter in Wärbeagenture und as Reporter Textchef uf Redaktione gschaffed.

As Autor bekannt isch er worde ab 1998 mit unter em Pseudonym Hans Schmerz veröffentlechte Online-Kolumne und as Autor vo der Zürcher Underground-Zitschrift «KULT». 2007 hed er sech sälbständig as Autor und Texter gmacht. Er wohnt und schaffed z Züri.

Vo 2007 bis 2010 het der Thomas Meyer s Street-Art-Projekt «Aktion für ein kluges Zürich» düregfüert, indäm er im öffentleche Ruum Chläber mit Frage gchläbt het. 2013 isch im Salis Verlag es Poschdcharte-Set vom Meyer erschine, wo unter em Titel Wem würden Sie nie im Leben eine Postkarte schicken? zum Teil Froge us dere Aktion ufgrift.

2012 isch am Meyer si Debütroman Wolkenbruchs wunderliche Reise in die Arme einer Schickse im Salis Verlag erschine. Der Roman, wo vo de Liebesnöt vomene fromme junge Jud handlet und tütschi Schdandardsproch mit jiddische Ischbrängsel kombiniert, isch 2012 für e Schwizer Buechpris nominiert worde und isch 46 Wuche lang uf der offizielle Schwizer Bestsellerliste gschdande. Für s Wärch het dr Thomas Meyer 2013 dr Anerkennigspris vom Zolliker Kunschdpris gwunne.

Weblink

Website vom Thomas Meyer
Rezensione zue Wärch vu Thomas Meyer bi perlentaucher.de
Dr Thomas Meyer uf der Schwizer Hitparade
Wunderliche Reise im jüdischen Milieu Zürichs. Interview vom 4. April 2012 uf SRF 2

Dä Artikel basiert uff ere fräie Übersetzig vum Artikel „Thomas_Meyer_(Schriftsteller)“ vu de dütsche Wikipedia. E Liste vu de Autore un Versione isch do z finde.