Thomas Baumer

Dialäkt: Züridütsch (Stadt)

De Thomas Baumer (* 29. Mai 1960 z Friburg) isch en Schwiizer Betriebsökonom und Expärt für interkulturelli Kompetänz und Persönlichkeitsdiagnostik. Er het i de Eignigsdiagnostik wichtigi Teil vom prognostische Assessment entwicklet und dä Begriff vor allem im dütschschprachige Ruum prägt.

Familie

De Thomas Baumer isch en Sohn vom Schprooch- und Religionswüsseschaftler Iso Baumer. Er het s'Jesuite-Gymnasium Stella Matutina z'Feldkirch (Vorarlberg) bsuecht und Betriebsökonomie a de Zürcher Hochschuel für Aagwandti Wüsseschafte schtudiert. Er isch verhürotet und Vater vo mene Sohn.

Bruef

Vo 1986 bis 1999 het er bi de Swissair gschaffet, zletscht als Division Manager im Swissair Training Center, wo d'Pilote und Kadermitarbeiter rekrutiert und d'Pilote und Flugbegleiter wiiterbildet wärded. Er isch de Gründer und Leiter vom Inschtitut CICB Center of Intercultural Competence AG, wo im Jahr 2000 gründet und sit 2010, erwiiteret mit dem Beriich CACB Center für Assessment und Coaching, als Aktiegsellschaft gfüert wird.^[1]^[2]

Er macht Forschige und füert Kürs, Vorbereitige uf Uslandiisätz und bishär über 500 Assessments und Coachings dure (mit oder ohni Fokus uf interkulturelli Kompetänz). Er hät wesentlichi Aschpäkt vom prognostische Assessment entwicklet und prägt. Me cha mit däm schpezielle Assessment, no meh als mit de üebliche Verfahre wie Assessment-Center oder Potenzialanalyse, e präzisi und überprüefbari Uussag mache, nid nume zu de vorhandene Fähigkeite und Potenzial vo mene Mänsch, sondern au zu de mittel- und längerfrischtig erreichbare Ziel, de notwändige Rahmebedingige und au em benötigte Ziitruum.^[3]

Wärk (Uuswahl)

Handbuch Interkulturelle Kompetenz, Band 1; Verlag Orell Füssli, Züri; 2002. ISBN 3-280-02691-1
Handbuch Interkulturelle Kompetenz, Band 2; Verlag Orell Füssli, Züri; 2004. ISBN 3-280-05081-2
Prognostisches Assessment. Fähigkeiten und persönliche Entwicklung voraussehen; HRM Dossier; SPEKTRAmedia Verlag, Züri; 2013. ISBN 978-3-908244-94-3

Einzelnoochwiis

↑ Intensivkurs Personal i de Mäss Züri Archivlink (Memento vom 6. Oktober 2013 im Webarchiv archive.is), Keynote-Speaker / Praxisforen, Swiss Professional Learning (Site cha nüme abgrüeft wärde; Suche im Webarchiv)[1] [2]
↑ Compasso Informationsportal für Arbeitgäber (Memento vom 12. Oktober 2013 im Internet Archive) In: Weka Portal für Personalverantwortlichi (Memento vom 26. Februar 2014 im Internet Archive)
↑ Mit prognostischen Assessments in die Zukunft blicken (Memento vom 23. Septämber 2015 im Internet Archive) (PDF-Datei; 211 kB) In: Zeitschrift HR Today Special 1/2012 (Memento vom 8. Juli 2014 im Internet Archive)

Weblinks

Interkulturelle Kompetenz: Schlüssel zum Erfolg; In: SWI Swissinfo.ch 7/2004
Von unreinen linken Händen und verneinendem Nicken (PDF-File; 183 kB) In: HR Today 9/2005 (Ziitschrift)
La passion pour les gens différents (PDF-File; 97 kB) In: La Liberté (Ziitig), 11.10.2010

Dä Artikel basiert uff ere fräie Übersetzig vu dere Version vum Artikel „Thomas_Baumer“ vu de dütsche Wikipedia. E Liste vu de Autore un Versione isch do z finde.

[1] Intensivkurs Personal i de Mäss Züri Archivlink (Memento vom 6. Oktober 2013 im Webarchiv archive.is), Keynote-Speaker / Praxisforen, Swiss Professional Learning (Site cha nüme abgrüeft wärde; Suche im Webarchiv)[1] [2]

[2] Compasso Informationsportal für Arbeitgäber (Memento vom 12. Oktober 2013 im Internet Archive) In: Weka Portal für Personalverantwortlichi (Memento vom 26. Februar 2014 im Internet Archive)

[3] Mit prognostischen Assessments in die Zukunft blicken (Memento vom 23. Septämber 2015 im Internet Archive) (PDF-Datei; 211 kB) In: Zeitschrift HR Today Special 1/2012 (Memento vom 8. Juli 2014 im Internet Archive)

[1]

[2]

[3]