Thomas Ammann (Politiker, 1964)
Dr Thomas Ammann (* 13. Juli 1964 z Aaltstetta, Kantoon St. Galle; † 16. Oktoober 2022 z Rüthi[1]) isch e Schwyzer Bolitiker (CVP) gsii.
Lääbe
[ändere | Quälltäxt bearbeite]Dr Thomas Ammann isch e gleerte Chaufmann gsii un het si zum aidgnessisch diplomierte Bankfachmann wyterbilde loo. Är het e baar Joor in dr Induschtry un im Bankwääse gschafft. Vu 1997 bis Ändi 2016 isch er Gmaibresidänt vu Rüthi gsii.[2] Vu 2000 bis 2016 het er em St. Galler Kantoonsroot aagheert, wun er si as Bolitiker fir d Aaliige vu dr Gmaine un dr ländlige Regioone yygsetzt het. Im Amtsjoor 2008/09 isch er em Root as Bresidänt voorgstande. Bi dr Barlemäntswaale 2011 het dr Ammann fir dr Nazionaalroot kandidiert. Är isch nit gweelt woore, isch aber mit 16'162 Stimme uf dr 1. Ersatzblatz bi dr CVP St. Galle chuu.
Barteibolitisch het si dr Ammann im Voorstand vu dr CVP Rhytaal un Rüthi engaschiert. Fir d CVP vum Kantoon St. Galle isch er Bresidänt vu dr Stuudiekummissioon Regioone (2001–2008) gsii. Ab Jänner 2011 het er dr Barteilaitig vu dr CVP Kantoon St. Galle aagheert. Derzue het er as Noofolger vum Beni Würth as Frakzioonsbresidänt vu dr CVP im Kantoonsroot gamtet.[3]
Bi dr Barlemäntswaale 2015 het dr Thomas Ammann fir dr Stände- un wiider fir dr Nazionaalroot kandidiert.[4] Fir d Waal in Ständeroot het s nit glängt, dr Ammann isch aber mit 22'239 Stimme in Nazionaalroot gweelt woore.[5] Bi dr Nazionaalrootswaale 2019 isch er, wel d CVP ain vu drei Sitz verloore het, nit wiidergweelt woore.[6]
Dr Ammann isch ghyroote gsii mit dr Gabi Ammann-Pridgar un Vater vu vier Chinder. Anne 2016 isch er am e Daarmtumoor chrank woore, 2022 isch er im Alter vu 58 Joor an dr Folge vu dr Chranket derhaim z Rüthi gstoorbe.[7]
Mandaat (Uuswaal)
[ändere | Quälltäxt bearbeite]- Bresidänt un Mitgliid vu verschiidene Gmaizwäckverbänd un -verain (Verain St. Galler Rhytaal, Soziaali Dienscht Oobers Rhytaal, Suchtberootig Oobers Rhyytaal un anderi)
- Bresidänt vum Waldwiirtschaftsverband SG-FL un Holzmäärt Oschtschwyz ab 2009
- Vizebresidänt Dreegerverain Integrazioonsprojäkt St. Galle ab 2013
- Stiftigsroot Benevol St. Galle ab 2009
- Voorstandsmitgliid un Bresidänt Finanzkummissioon vum Verain Rhyboot (1998–2010)
Weblink
[ändere | Quälltäxt bearbeite]
Commons: Thomas Ammann – Sammlig vo Multimediadateie- Websyte vum Thomas Ammann (Archiv)
- Thomas Ammann uf dr Websyte vo dr Bundesversammlig
- dr Thomas Ammann uf dr Websyte vum St. Galler Kantoonsroot
- Thomas Ammann auf dem Weg nach Bern Portrait iber dr Thomas Ammann uf YouTube vum 18. Augschte 2015
Fueßnote
[ändere | Quälltäxt bearbeite]- ↑ Alt-Nationalrat Thomas Ammann verstorben. In: rheintal24.ch. 18. Oktober 2022, abgruefen am 19. Oktober 2022.
- ↑ Ein herzliches "Adieu und Merci" für Thomas Ammann rheintaler.ch, Artikel vum 2. Jänner 2017
- ↑ Thomas Ammann folgt auf Beni Würth, linth24.ch, Artikel vum 24. Jänner 2011
- ↑ «Thomas Ammann» Wahl-Flyer; Ständerat und Nationalratsliste 3, abgerufen am 10. Februar 2016 (Memento vom 10. Februar 2016 im Internet Archive)
- ↑ Nationalratswahlen 2015, Ergebnisse, Gewählte St.Galler Nationalrätinnen und -räte bei abstimmungen.sg.ch, abgerufen am 10. Februar 2016 (Memento vom 10. Februar 2016 im Internet Archive)
- ↑ Nationalratswahl St. Gallen - Grüner und weiblicher Artikel uf srf.ch vum 20. Oktoober 2019
- ↑ Alt Nationalrat Thomas Ammann verstorben. In: Blick.ch, 18. Oktoober 2022.
|
Dä Artikel basiert uff ere fräie Übersetzig vu dere Version vum Artikel „Thomas_Ammann_(Politiker,_1964)“ vu de dütsche Wikipedia. E Liste vu de Autore un Versione isch do z finde. |