This Jenny
.jpg)
Dr Matthias «This» Jenny (* 4. Mai 1952 z Glarus; † 15. November 2014[1]) isch e Schwyzer Unternähmer un Politiker (SVP) gsii.
Läbe
[ändere | Quälltäxt bearbeite]Dr Jenny isch uf eme chliine Glarner Buurehof ufgwachse und het scho vo chlii uf schwer müesse schaffe. Mit zwölfi het er sis Älterehuus verlah und isch zu sinere Grossmuetter, wil d Situation in sim Älterehuus sehr schwirig isch gsi. Nach de Schuel het er z erscht Muurer glehrt und spöter d aidgnessisch Baumaischter-Diplom abglägt. Er isch dann Inhaber vu dr Hoch- und Tiefbauunternähmig Toneatti & Co. z Bilten (GL) gsii.
Dr Jenny isch vu 1986 bis 2000 Mitglid vum Gmairoot vu Sool gsii. Vu 1994 bis 2014 het er em Landroot vum Kanton Glaris un vu 1998 bis 2014 em Ständeroot aaghert. Vu 1992 bis 2003 het er d SVP vum Kanton Glaris präsidiert. Är isch au Mitglid in dr NEAT-Ufsichtsdelegation gsii. Dr Jenny het s jehrli Britisch-Schwyzerisch Parlamentarier-Skiränne z Tafaas dominiert, anne 2014 het er s Ränne zum 15. Mol gwunne.[2]
Er isch en eigeständige Politiker gsi, wo au vo de Parteilinie abgwiche isch, wenn er es für notwendig ghalte het. So het er zum Bischspil d «Initiave zum Schutz vor Waffe-Gwalt» unterstützt.[3]
Am 13. Februar 2014 isch dr Jenny us gsundhaitlige Grind us em Ständeroot zruggdrätte. Är het no aigene Aagabe an eme beesartige Magetumor glitte.[2][4] Sin Nochfolger im Ständerot isch de Werner Hösli vo de SVP worde.[5] Am 15. Novämber 2014 isch er mit Hilf vu dr Stärbehilforganisation Exit us em Läbe gschide.[1]
Dr Jenny isch gschide gsii un hinterlosst zwai Chinder.
Weblink
[ändere | Quälltäxt bearbeite]- This Jenny uf dr Websyte vo dr Bundesversammlig
- Patrik Müller: Zum Tod von This Jenny: Mut und Freimut. In: Schweiz am Sonntag vum 15. November 2014
- Vanessa Nikisch: This Jenny – bis zum Schluss. Reportasch vo de Sändig Reporter, SRF 1 vom 30. Novämber 2014 (22 Minute)
Fueßnote
[ändere | Quälltäxt bearbeite]- ↑ 1,0 1,1 This Jenny ist tot (Memento vom 17. Novämber 2014 im Internet Archive). In: Tages-Anzeiger online. 15. November 2014.
- ↑ 2,0 2,1 Peter Hossli, Walter Hauser: «Der Tod ist nichts als ewiger Schlaf.» In: SonntagsBlick. 20. April 2014 (Interview).
- ↑ Tagi zu de Waffeinitiative. Archiviert vom Original am 17. Januar 2011; abgruefen am 16. November 2014.
- ↑ SVP-Ständerat This Jenny tritt per sofort zurück. In: SRF. 13. Februar 2014.
- ↑ In: NZZ-online vom 1. Juni 2014: «Glarus schickt Werner Hösli nach Bern»
|
Dä Artikel basiert uff ere fräie Übersetzig vu dere Version vum Artikel „This_Jenny“ vu de dütsche Wikipedia. E Liste vu de Autore un Versione isch do z finde. |