Thierry Jordan
| Dialäkt: Mìlhüüserdiitsch |
Dr Thierry Romain Camille Jordan 
[tjɛʁi ʒɔʁdɑ̃](info) (* 31. Àuigscht 1943 z’ Schanghai, Repüblik Kiina) ìsch a frànzeescher reemisch-kàthoolischer Gaischtliger. Ar ìsch vu 1988 bis 1999 Bischoof vu Pontoise gsìì, un drnooh Arzbischoof vu Reims vu 1999 bis 2018.
sii Laawa
[ändere | Quälltäxt bearbeite]Jugend un Bìldung
[ändere | Quälltäxt bearbeite]Dr Thierry Jordan schtàmmt vu da Fàmìlia Jordan un Casimir-Perier. Uff d’ Walt kumma-n-ìsch’r ànna 1943 z’ Schanghai ìn dr Repüblik Kiina. Ar ìsch dr Suhn vum Finànzmànn Pierre Jordan un siinera Ehafràui Henriette geboorena Roquebert.
Dr Jordan ìsch Schialer gsìì-n-àm Hoche-Gymnààsium z’ Versailles.[1] Gschtudiart hàt’r z’äärscht àm Groossa Priaschterseminààri vu Versailles un drnooh àm Kàthoolischa Ìnschtitüüt vu Pàriis, wu-n-’r a kìrchliga Lizanz vu dr Gotteslehr bschtànda hàt. Därt ìsch’r àm 20. März 1966 àls Diàkon gwäijt worra. Drnooh ìsch’r àm 17. Dezamber 1966 ìn dr Liawafràuikìrìch z’ Versailles àls Priaschter gwäijt worra. Doo druff ìsch’r àn d’ Pàpschtliga Üniwärsitäät Gregoriana z’ Rom gànga ge schtudiara, wu-n-’r a Dokterwìrda bschtànda hàt.
àls Priaschter
[ändere | Quälltäxt bearbeite]Sii Priaschtertumm hàt dr Jordan ìm Frànkrììch un ìm Itàlia-n-üüssiawt. Ar ìsch z’äärscht kurz noh siinera Priaschterwäih z’ Saint-Cyr-l’École bii Pàriis ärnännt worra un ìsch wahrend siina Schtüdia Kàplàn vu Saint-Louis-des-Français z’ Rom gsìì. Drnooh ìsch’r vu 1969 bis 1972 Vikàr àn dr Pfàrrai St-Symphorien z’ Versailles gsìì. D’rwìllscht ìsch’r àui Profasser àm Groossa Priaschterseminààri vu Versailles gsìì. Vu 1972 bis 1980 hàt’r àm Schtààtsekretàriàt vum Hailiga Schtüahl ìn dr Vàtikànschtàdt gschàfft, wu-n-’r unteràndrem Sekretäär vum Schtààtssekretäär Kàrdinàl Jean Villot gsìì-n-ìsch. Àm 15. Jüüni 1977 hàt ìhn dr Pàpscht Pooli VI. dr Eehratìtel „Kàplàn vu siinera Hailigkait“ (Monsignore) verlaiha.[2] Drnooh ìsch’r ìm Frànkrììch z’ruckkumma un ìsch Pfàrrer vu Ste-Marguerite z’ Le Vésinet bii Versailles worra. Àb 1984 ìsch’r Bischoofsvikàr fìrs Gebiat Saint-Quentin-en-Yvelines gsìì. Àm 3. Jüüni 1986 ìsch’r drzüa Generààlvikàr vum Bìschtumm Versailles worra.
àls Bischoof
[ändere | Quälltäxt bearbeite]Àm 6. Oktoower 1987 ìsch dr Jordan àls Koadjutoorbischoof fìr dr André Rousset, Bischoof vu Pontoise, ärnännt worra.[3] D’ Bischoofswäih hàt’r àm 13. Dezamber 1987 ìm Mìnschter vu Pontoise ämpfànga. Àm 19. Nowamber 1988 hàt’r em Rousset àls Bischoof vu Pontoise noohgfolgt. Àm 20. Jüüli 1999 ìsch dr Jordan àls Arzbischoof vu Reims ärnännt worra. Dàs Àmt hàt’r àb’m 26. Septamber 1999 üüssiawt, àls Noohfolger vum Gérard Defois, wo-n-ìm Jüüli 1998 àls Arzbischoof-Bischoof vu Lille ärnännt worra gsìì-n-ìsch.
Ìnnerhàlb vu dr Frànzeescha Bischoofskùmferanz hàt dr Jordan mehrera-n-Amter üüssiawt. Ar ìsch vu 1987 bis 1991 Mìtglìed ìm Sekretàriàt fìr d’ Beziihunga mìt’m Islàm gsìì, so wia Mìtglìed ìm Üüssschuss fìrs Laawa vu 1987 bis 1993 un ìsch vu 1993 bis 1996 Vorsìtzender vu dam Üüssschuss gsìì. Züadam ìsch’r vu 1990 bis 2004 Vorsìtzender vum Kànoonischa-n-Üüsschuss gsìì. Ànna 1994 ìsch’r gwählt worra, fìr àn dr Bischoofssynooda mìtmàcha.[4]
Ànna 2014 ìsch’r vum Bischoof Edward Rice àm 250. Fiirtig vu dr Grìndung vu dr Schtàdt St. Louis ìm Missouri (USA) iiglààda worra. D’ Faijerligkaita hann ìm Hailigtumm vu dr hl. Philippine Duchesne z’ St. Charles schtàttgfunda. Doo ìsch àui dr frànzeescha Prìnz Louis de Bourbon gsìì.[5]
Vor siim 75. Geburtstààg —dr Àltersgranz fìr d’ kàthoolischa Bischääf— hàt dr Jordan sii Rucktrìtt üss’m Bischoofsàmt vorgschtällt. Dr Rucktrìtt hàt dr Pàpscht Frànziskus àm 18. Àuigscht 2018 ààgnumma.[6] Siina lätscha Mass àls Bischoof hàt’r àm 1. Jüüli 2018 ìm Mìnschter vu Reims àbghàlta.[7][8] Sii Rüahjschtànd verbrìngt dr Jordan ìm Bìschtumm Versailles, wu-n-’r ìm Bischoof Aumonier ìn dr Missioon hìlft.[9]
Dur a Verordnung vum 31. Dezamber 2006 ìsch dr Thierry Jordan àls Ritter vu dr Eehralegioon ärnännt worra.[10] Ànna 2010 ìsch’r Üüssgaawer gsìì vu’ma Büach ìwwer d’ Gschìcht vum Reimser Mìnschter, wo mehrera-n-Àltertummforscher dràà mìtgmàcht hann.[11]
siina Schtällungnààhma
[ändere | Quälltäxt bearbeite]Ànna 1996 hàt sìch dr Jordan àls Bischoof vu Pontoise geega d’ Verschärfung vu da Uffnààhmabedìngunga vun illegààla-n-Iiwànderer ìm Frànkrììch gschtällt. D’rfìr hàt’r zamma mìt’ma àndra Bischoof ìn da frànzeescha Pàrlàmantariar a Briaf gschrìewa.[12]
Ànna 2012 hàt’r sìch àls Bischoof vu Reims äffentlig geega d’ Homo-Eha-n-üüssgschproocha.[13] Ànna 2015 hàt’r ìn’ra Mìttailung gschrìewa, àss dr Tood vum Vincent Lambert ìn’ma Schpitààl z’ Reims „a Form vun Öithanasii“ gsìì-n-ìsch.[14]
Weblìnks
[ändere | Quälltäxt bearbeite]
Commons: Thierry Jordan – Sammlig vo Multimediadateie- Yytrag zue Thierry Jordan uf catholic-hierarchy.org (englisch)
- dr Thierry Jordan uff dr Websitta vu dr kàthoolischa Kìrìch ìm Frànkrììch (frànzeesch)
- dr Thierry Jordan bii dr Académie de Versailles (frànzeesch)
Ainzelnoohwiisa
[ändere | Quälltäxt bearbeite]- ↑ La chapelle du lycée Hoche à Versailles. Bìschtumm Versailles, 31. Juli 2016, abgruefen am 5. August 2022 (französisch): „Mgr Thierry Jordan, archevêque de Reims, ancien élève du lycée Hoche...“
- ↑ Annuario Pontificio per l’anno 1982. Vàtikànschtàdt 1982, S. 1830 (italienisch).
- ↑ APIC/CIP: France : Mgr Jordan nommé éveque coadjuteur à Pontoise (141087). In: cath.ch. Kàthoolisch Mediazäntrum, 14. Oktober 1987, abgruefen am 5. August 2022 (französisch).
- ↑ Les évêques élus au synode de 1994. In: La Documentation catholique. Band 91, Nr. 2087, 6. Februar 1994, ISSN 0012-4613, S. 144 (französisch).
- ↑ Joseph Kenny: St. Louis liturgies kick off city's 250th birthday observances. (Nicht mehr online verfügbar.) Catholic News Service, 27. August 2014, archiviert vom Original am 11. August 2019; abgruefen am 5. August 2022 (amerikanischs Änglisch).
- ↑ Rinuncia dell’Arcivescovo di Reims (Francia) e nomina del nuovo Arcivescovo. In: Tààglig Bulletin. Prassa-n-àmt vum Hailiga Schtüahl, 18. August 2018, abgruefen am 5. August 2022 (italiänisch).
- ↑ Annelaure Labalette: Monseigneur Thierry Jordan, l'archevêque de Reims quitte la cathédrale où il officiait depuis près de 20 ans. France Bleu, 28. Juni 2018, abgruefen am 5. August 2022 (französisch).
- ↑ Athénaïs Clicquot: Départ de l’un des plus anciens évêques de France. In: Aleteia. 29. Juni 2018, abgruefen am 5. August 2022 (französisch).
- ↑ Mgr Jordan vient vivre sa retraite dans notre diocèse. Bìschtumm Versailles, abgruefen am 5. August 2022 (französisch).
- ↑ Décret du 31 décembre 2006 portant promotion et nomination. In: Journal officiel de la République française. 2. Januar 2007, S. 8 (französisch, gouv.fr [abgerufen am 5. August 2022]).
- ↑ Cathédrale de Reims : parution d’un gros volume scientifique La grâce d’une cathédrale. Collectif de recherche et d’information Reims histoire archéologie (CriRha), 1. Dezember 2010, abgruefen am 5. August 2022 (französisch).
- ↑ Jean-François Dupaquier: Interview : «Certains projets sont insupportables». Le rapport de la commission parlementaire alarme l'évêque de Pontoise. In: Libération. 23. April 1996, abgruefen am 5. August 2022 (französisch).
- ↑ Monseigneur Jordan, archevêque de Reims « Il ne suffit pas de dire que, du moment qu'on s'aime, on peut se marier ». (Nicht mehr online verfügbar.) In: L’Union. 28. November 2012, archiviert vom Original am 17. Juni 2013; abgruefen am 5. August 2022 (französisch).
- ↑ Affaire Vincent Lambert : l'évêque de Reims évoque "une forme d'euthanasie". In: La Vie. 8. Juni 2015, abgruefen am 5. August 2022 (französisch).
|
Dä Artikel basiert uff ere fräie Übersetzig vu dere Version vum Artikel „Thierry_Jordan“ vu de französische Wikipedia. E Liste vu de Autore un Versione isch do z finde. |
|
|
Dä Artikel basiert uff ere fräie Übersetzig vu dere Version vum Artikel „Thierry_Jordan“ vu de hochdütsche Wikipedia. E Liste vu de Autore un Versione isch do z finde. |