Thessaloniki

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Vorlage:Infobox Ort/Wartung/ISO

Thessaloniki
Thessaloniki (Griechenland)
Thessaloniki
Thessaloniki
Basisdate
Staat Griechenland
Höchi 0 m
Flechi 20,9 km²
Iiwohner 322.240
Dichti 15.455,2 Iiwooner/km²
ISO 3166-2 GR
Webuftritt www.thessaloniki.gr
Driumfbooge vom Galerius (Kamara)
Driumfbooge vom Galerius (Kamara)

40.64722222222222.963888888889Koordinaten: 40° 38′ 50″ N, 22° 57′ 50″ O

Thessaloniki (noigriech. Θεσσαλονίκη f.Sg. [θɛsalɔˈnikʲi], churz au Saloniki Σαλονίκη; im lokaale Tielekt [θisalu'nik]; türkisch Selanik; Ladino Salonika oder Selanik; dr dütsch Naame, wo im biblische Zämmehang brucht wird: Thessalonich) het 322'240 (2011) Iiwooner und isch die zwäitgrössti Stadt z Griecheland. Es isch d Hauptstadt vo dr Verwaltigsregioon Zentralmakedonie und s wirtschaftlige und kulturelle Zentrum vo dr ganze griechische Regioon Makedonie. D Zaal vo de Iiwooner vom ängere Balligsruum Thessaloniki und wemm mä d Stedt und Gmäinde zringsum drzue zelt, isch 2001 954'027 gsi. Drei Joor spööter het mä sä uf 995'766 gschetzt.[1]

D Stadt lit an de nordwestlige Usläufer vom Chortiatis, wo 1201 Meter hooch isch, und gränzt an dr Thermaischi Golf. Si isch e bedütendi modärni Universidääts-, Mäss-, Kultur-, Industrii- und Haafestadt im Schnittpunkt vo wichdige Vercheerswääg (Via Egnatia), wo sit Joorduusige vo Norde uf Süüde und vo Weste uf Oste füere. Dr Häiligi Demetrios isch dr Schutzpatroon vo dr Stadt, und iim isch e groossi früechristligi Basilika gweit. S Woorzäiche vo Thessalonikis isch dr Lefkós Pýrgos (Λευκός Πύργος ‚wisse Durm‘), wo dr Sinan baut het.

D Stadt wird scho in dr Bible erwäänt, und iiri früechristlige und byzantinische Chillene si 1988 in d Liste vom Wältkulturerb vo dr UNESCO ufgnoo worde. Noch der Eroberig dur s Osmanisch Riich si di meischte Chile und Chlöschter i Moschee umgwandlet worde – und noch der Eroberig dur Griecheland 1912, im Erschte Balkanchrieg, si die alli wider zruggverwandlet worde. Wäret der osmanische Ziit isch Thessaloniki eis vo de Hauptzäntre gsi vo de sephardische Jude – si hei di gröscht Bevölkerigsgruppe gstellt, vor de Türgge as zweitgröschter und de Grieche as drittgröschter Gruppe, und d Sproch, wo me am meischte gredt het, isch Ladino (Judespanisch) gsi. Noch der Eroberig dur Griecheland 1912 isch de jüdisch Iifluss vom griechische Staat zruggdrängt worde. D Bevölkerigsstruktur het si starch ggänderet, wo noch em Griechisch-Türggische Chrieg denn 1923 di türggischsprochige Lüt vo Nordgriecheland i Türggei und di griechichsprochige Lüt vo de Türggei uf Griecheland zwangsumgsidlet worde si. Im Zweite Wältchrieg schliessli isch di jüdisch Bevölkerig fascht vollständig vo de Dütsche umbroocht worde. Hüt isch Thessaloniki e ganz e griechischi Stadt – vo der osmanische Vergangeheit gseht me no Muure, vo de jüdische fascht gar nüt me.

1997 isch Thessaloniki die Öiropäischi Kulturhauptstadt gsi.

Litratuur[ändere | Quälltäxt bearbeite]

  • Bea Lewkowicz: The Jewish Community of Salonika. History, Memory, Identity. Vallentine-Mitchell, Middlesex 2006.
  • Mark Mazower: Salonica, City of Ghosts: Christians, Muslims and Jews, 1430–1950. Alfred A. Knopf, New York 2004, ISBN 0-375-41298-0.
  • Niki Eideneier, Hans Eideneier (Hrsg.): Thessaloniki. Bilder einer Stadt. Mit einer Einleitung von I. K. Hassiotis und Zeittafel. Romiosini Verlag, Köln 1992, ISBN 3-923728-46-8.

Weblingg[ändere | Quälltäxt bearbeite]

 Commons: Thessaloniki – Sammlig vo Multimediadateie

Fuessnoote[ändere | Quälltäxt bearbeite]

  1. Urban Audit – Data that can be accessed. Urbanaudit.org. Archiviert vom Original am 6. April 2011. Abgrüeft am 5. September 2010.