S Theologische Alumneum z Baasel

Us der alemannische Wikipedia, der freie Dialäkt-Enzyklopedy
S Alumneum
Dialäkt: Baseldütsch
Dr Iigang vo dr Hebelstrooss us

S Theologische Alumneum isch e Woonhäim für Studänte an dr Hebelstrooss 17 z Baasel, ganz nooch zum Kollegiegeböid, der Uniwersidäätsbiblothek, der Mensa und e Hufe anderi Iirichdige vo dr Uni. S Geböid isch dänggmolgschützt.

S Woonhäim[ändere | Quälltäxt bearbeite]

S Alumneum isch 1844 as Woonhäim für Theologiistudänte iigrichdet worde, aber dass es emol en evangelischs Häim gsi isch, merkt mä nume no an de Büecher in dr Bibliothek. Hüte het s Studänte vo alle Fakulteete. Es het Blatz für vierezwanzig, wo eso usgweelt wärde, ass es e guets Gmisch vo Fraue und Manne, Schwizer und Usländer u.s.w. git. Für jede het s en Äinzelzimmer, es git e groossi Chuchi, en Ässruum, e Bibliothek, en Ufenthaltsruum, e Wöschchuchi und e groosse Garde.

S Geböid[ändere | Quälltäxt bearbeite]

S Huus isch im 18. Joorhundert an dr Nöije Vorstadt entstande, nid wit äwägg vom Holstäinerhoof. Im Gaarde stoot non e uralti Bluetbueche, wo jetz aber am Stärbe isch. Im Huus sälber het s alti Wandmoolereie[1] und in de Dachbalke git s Löcher, vo wenn d Baumstämm uf Baasel aabe gflöösst worde si. Uf eme Balke gseet mä non e Jooreszaal us em 18. Joorhundert.[2]

Kwelle[ändere | Quälltäxt bearbeite]

Fuessnoote[ändere | Quälltäxt bearbeite]

  1. S Alumneum (Site cha nüme abgrüeft wärde; Suche im Webarchiv)[1] [2] Vorlage:Toter Link/www.albrecht-ritzmann.ch uf dr Website vom Archidekturbüro Albrecht + Ritzmann, abgrüeft am 4. Juni 2014
  2. Geschichte uf dr Website vom Alumneum, abgrüeft am 4. Juni 2014

Koordinate: 47° 33′ 38,5″ N, 7° 34′ 55,3″ O; CH1903: 610794 / 267787