Theater am Mühlenrain

S Theater am Mühlenrain (TAM) isch e Chlaichunschttheater z Wyyl.

Gschicht

S TAM isch e Noofolger vum Löörecher „Theater im Riessgässli“, eme private Chlaichunschttheater, wu dr Erwin G. Sütterlin 1972 grindet un bis 1986 glaitet het. Anne 1987 het dr Sütterlin dr alt Buurehof „Mühlenrain“ z Altwyyl gchauft un dert uf dr alte Haibihni ne nei Theater grindet. Är isch syterhär dr Impresario un Regisseur vum TAM gsii. Aafangs 2017 het er s TAM an dr Klaus-Peter Klein ibergee

Mitti vu dr 1990er Johr isch en aigeni Theatergruppe mit Amateurspiiler grindet wore. Die Laiebihni fiert syter 2001 all Johr e neii Kumedi uf, vyl dervu uf Alemannisch. Erfolgrychi Kumedie sin zum Byschpel gsii: „Die Blaue Maus“, „Meisterboxer“, „Rente gut, alles gut“, „Rendezvous im Klosterhof“, „Hotel Mimosa“, „Alles uff Chrankeschien“, „A Ma für mi Witwe“, „Amstertam Bali un zurück“ oder „Caos im Penthus“

S git au Kabarettveraastaltige, Schauspiilkurs, Schmink- un Stepptanzkurs un musikalischi Uffierige, derzue zäme mit em Kulturamt Wyyl als philosophischi Vordreg. An Silveschter git s all Johr e bsunder Brogramm. Regelmäßigi Gaschtvorstellige vu andere regionale Chlaitheater, zum Byschpel us em Elsass, runde s Brogramm ab.

In ere Gallery wäre Bilder vu Chinschtler us dr Region zaigt. Im Theater-Beizli wird gaschtronomisch gsorgt fir d Bsuecher.

Syt 1993 gaschtiert im TAM d „Brezelstädter Laienbühne“ vu Chander.

Aafangs 2013 sin z Bade-Wirttebärg neii Brandschutzvorschriften yygfiert wore. S TAM hätt fir d Yyhaltig vu däne Vorschrifte neii Brandschutzwänd un Stahldire fir insgsamt 40.000,- € mieße yyböue loo. Dodermit het em TAM d Schließig droht, am Änd het mer si aber mit dr Stadt druf gainigt, ass d Zueschauerzahl verchlaineret wird un neii Fluchtwäg yygriichtet wäre. Mit eme zuesätzlige es Zueschuss vu 10.000 € vu dr Stadt het s TAM chenne wytermache.

Weblink

• Websyte vum TAM