Theater Arlecchino

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.5413888888897.6172222222222Koordinaten: 47° 32′ 29″ N, 7° 37′ 2″ O; CH1903: 613447 / 265645

Dialäkt: Baseldütsch

S Theater Arlecchino isch e Baasler Chläitheater für Chind und die ganzi Familie.

Gschicht[ändere | Quälltäxt bearbeite]

S Theater isch 1997 as freiji Theatergrubbe gründet worde. Sit 2001 füert s Arlecchino vom Herbst bis im Früelig Äigebrodukzioone uf und git Gastspiil. S Theater Arlecchino het emol in dr Kupple Basel gspiilt. Vo 2005 bis 2014 het s en äignigs Theater an dr Amerbachstrooss 14 im Glaibaasel gha. Sit em 2015 isch sy Standort am Walkeweg 122 z Basel, vis-a-vis vom St. Jakobs-Chirchli. Sit 2004 spiilt s in de Summerferie dusse in dr Arena vo dr Grüen 80.[1]

S Brogramm[ändere | Quälltäxt bearbeite]

S Arlecchino broduziert äigeni Uffüerige, macht bi Kobrodukzioone mit und zäigt Gastspiil. Vom Septämber bis zum Mai git s am Mittwuch, Samschdig und Sunndig Vorstellige am Nomiddaag. Es finde mänggisch au Matineä und Uffüerige am Oobe statt. S Ziilpublikum si Familie mit Chind vo vieri aa. Ufgfüert wärde Määrli, Miusikel, liichti Opere (D Zauberflööte), Figuuretheater, Konzäärt, Zirkus, Vorfasnachtsbrodukzioone (D Stubede) und e Hufe anders.

Kwelle[ändere | Quälltäxt bearbeite]

Fuessnoote[ändere | Quälltäxt bearbeite]

  1. Theater Arlecchino (Memento vom 4. März 2016 im Internet Archive) uf kleintheater.org, abgrüeft am 6. Jänner 2013