Text:Otto Gittinger/So semmer Leut/Säugetier

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Säugetier

Der moosgrunder Förschtner hot's Ledigsein satt,
Er nemmt se a Fraule, weit her aus der Stadt,
A nobel's Fraule, gebildet ond g'scheit,
Bloß weißt se em Landleba net so recht B'scheid,
Se schwätzt no ganz hochdeutsch ond trait gele Schua
Ond kennt en Ochsa net von-ara Kuah.
Amol ischt se mit iarem Förschtner g'spaziert,
Ond wia se der Weg am a Hof verbei führt,
No ischt da a Gluckhenn' mit Biberle g'sein,
Dia schlupfa der Alta-n-en d'Federa nein.
D'Frau Förschtner kriagt des scheints zum erschtamol z'sean,
Drom sait se, wia se so näher gean:
"Welch' liebliches Bild da vor unseren Augen,
Die Küchlein die an der Gluckhenne saugen!"