Text:Otto Gittinger/So semmer Leut/Momentan

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Momentan

D'Wiestäler hent en Pfarrer ghet,
Suscht wär er grad d'r übelscht net,
A braver Herr ond au guat g'lehrt,
Ond recht vermöglich, wia mer hört.
Bloß d'Predich goht so ane fort,
All'weil toujours gleich Wort für Wort.
Er halt net enn, er tuat kein Schrei,
Wia's doch au sein sott dronter nein.
Drom duslat ball a mänich's ein,
Em Sommer schloft sein ganze G'mein.
Sogar de allerstrengschte Schnupfer
Teant allbot dronter nein en Dupfer
Ond wia's so goht, 's stoht net lang an,
Brengt's au en d' Nas der alt Dekan.
Der frogt beim Lehrer aus am Tal,
Wia-n-am denn au sein Pfarrer g'fall.
"O recht guat", sait der, "Herr Dekan,
Bloß predigt er so momentan!"