Text:Otto Gittinger/So semmer Leut/Höflich

Hoflich

A Bauer hot a Sau am Strick,
Ond will er fürsche, hauft sie z'rück.
Ond will er lenks, no goht se rechts,
Des ischt amol a Viech, a schlechts!
Der Bauer schempft, ond's daurat lang,
No komsa se mit'nander z'Gang.
Jetz wie se so send ane g'nottlat,
Kommt an alts Weib da Weg her zottlat.
Dia weinscht' en, wia's der Brauch ischt, Zeit:
"Grüaß Gott beisamma!" hot se g'sait.