Text:Otto Gittinger/So semmer Leut/Frogscht no'mol

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Frogscht no'mol

'S Jakobles Fritz wird arretiart,
Des git a G'läuf, daß des passiart.
Se hent am g'schlossa beide Händ,
Desmol führt's zoma baisa-n-End. :
Drom fanga d'Weiber z'schreia-n-an
Ond d'Manna stean verdattrat dran
Ond raucha Tuwak wie verruckt.
Jetz, wia so alles stoht ond guckt,
No kommt a fremd Mannsbild derzua,
Ein Drittel Herr, zwei Drittel Bua:
"Wat jibt's denn da, verfluchter Spaß?
Jewiß ne Messeraffaire? was?"
Wia der des Deng so schnabblich sait,
No b'sieht an alles von der Seit.
A Zeit wird's still, so sait a Man:
"Nein, Herr, so ischt es net, ha an!
'S ischt ganz eins! I sag's onverhola:
Der Man hot en Bahnschlitta g'stohla."