Text:Otto Gittinger/So semmer Leut/Der Zemmerman

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Der Zemmerman

Der Zemmerhannesle am Bach,
Des ischt a Meischter en sei'm Fach.
Er sait: wenn er a Meß wo nemmt,
No weißt er, daß es nochher stemmt.
Amol hot einer bei n-a-m b'stellt
En Balka-n-en a Giebelfeld.
Er kommt ond nemmt ganz sauber 's Meß,
Ond schreibt's uf, daß er's net vergeß.
Derheim richt't er da Balka na,
Er b'schlächt an glatt ond sägt an a.
Ond wia-n-ern stellt en Giebel nein,
No ischt er om zwei Schuah z'kurz g'sein.
Jetzt stoht er do ond guckt an an,
Reißt d'Auga-n-uf, so weit er kan
Ond brommt ond wischt se mit am Schurz:
"Dreimol a'g'sägt ond erscht no z'kurz."