Text:Otto Gittinger/So semmer Leut/Der Wanger

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Der Wanger

Der Wangermichel benglat grad
En seinra Werkstatt am a Rad.
Do komsa zween rein zua der Tür,
Dia traga-n-am en Streitfall für.
Se hent a Stängle, ond der ein
Verschwört se, 's müaß a Fiachte's sein,
"Nein", schreit der ander druf, "i wett,
's ischt Tänne, Fiachte ischt esnet."
"Jetz, Wanger, schwätz, wer recht soll haun,
Dau bischt der Man, dau muascht's verstaun!"
Der Wanger sait: "Geant her des Dengs!"
Er b'siehts von rechts ond b'siehts von lenks,
Ond endlich sait er: Onta rein
Do wird es währle Fiachte sein.
Jetz oba naus, guck her, do siehscht,
Daß des a Tänne's Stängle ischt."