Text:Otto Gittinger/So semmer Leut/Der Sattler

Der Sattler

Der Fritz spannt seine Ochsa-n-ein,
Jetz send die neue Bäuscht veil z'klein.
Er probiert's rom ond probiert's nom,
Se rutscha halt, des wird am z'domm.
Drom lauft er, d'Bäuschtle ont'ram Arm,
Zum Sattler nein und ond macht Alarm:
"Horch, Sattler", sait er, "descht mer z'arg,
Dau forderscht für dia Bäuscht drei Mark
Ond machst mer no zwei Denger z'weg,
Meinscht au, se passa? Jo, en Dreck!"
Der Sattler sait: "O. laß me gaun,
Was witt denn dau von deam verstaun?
Dau machscht dia Bäuscht bloß net recht nuf,
Se passa g'wiß, verlaß des druf!
Jetz mach, daß d'naus kommscht, ond daß d's weißscht,
Noch mei'm Kopf mach i d'Ochsabäuscht."