Text:Otto Gittinger/So semmer Leut/D'Kirchhof-Ahna

D'Kirchhof-Ahna

Dia Bergles-Ahna goht zu alle Leicha,
Zom arma Man grad wia zom reicha,
Zu kleine Kender ond zu alte Manna,
Drom heißt mer se bloß d'Kirchhof-Ahna.
"Jetz, Muater", hot iar Käther g'sait,
"Daß Euch des Leichgaun net vertleid't!
Für Euch wär's besser, i sag's offa,
Iar blubat hentr'am warma-n-Ofa."
"Jo so schwätzt d' Jugad; guck no Käther,
an alter Mensch denkt au an später,
Bein i amol g'storba, freut mi's au,
Wenn i en rechta Leichgang haun."