Text:Otto Gittinger/So semmer Leut/Ansproch

Ansproch

Der Hansjörg goht Sonntich z'Mittag
Dur d'Wiesa na ond raucht Tuwak,
Ond führt am Strick sein alte Kuah.
Der Hansjakob kommt au derzua:
"Was tuascht dau, Hansjörg?" sait er. - "I?
I gang spaziera fürs Pläsie."
"Was tuat die Kuah derbei, dia alt?"
"Dia Kuah, des ischt mein Onterhait;
I kan doch net alleinich gaun,
Der Mensch will au sein Ansproch haun!"